新一代高登女神惡鬥 岑麗香除Bra挑苟芸慧機
一代新人換舊人，宅男女神也要改朝換代。在昔日的宅男女神對決中，兩大玉女掌門人陳法拉和鍾嘉欣鬥得難分難解，不過最近有新勢力抬頭，就是由後勁淩厲的岑麗香大戰苟芸慧，香香在新劇的角色出奇制勝，以胸圍做武器，正式向苟姑娘挑機！
現年27歲的岑麗香憑無綫新劇《巴不得媽媽》跑出，成為新一代宅男女神，繼早前以濕身白T恤及浴室裸背出鏡後，本周的劇情更出動到她的肉色C Cup胸圍！劇情講香香暗戀錢嘉樂，二人到山頂過夜採訪新聞，嘉樂為救她而手部脫骱，香香即脫下肉色胸圍為嘉樂托住受傷的手，在為嘉樂套上胸圍時，還不經意送波餅，劇情雖帶點黃，但頗搞笑，香香這個「巴不得bra bra」一出，宅男女神地位再被推高，之前在高登討論區的女神對決中，苟姑娘可謂獨領風騷，然而香香後勁淩厲，追到幾近平手，甚具威脅。她在劇中最終會跟嘉樂拍拖，大團圓結局。
苟芸慧（左）和岑麗香昨日一同出席活動，二人一黑一白，壁壘分明，新一代女神對決戰況激烈。
岑麗香昨日在活動後與經理人吃麪醫肚。
香香由女神變身篋神，拖篋返回將軍澳寓所。
岑麗香人氣稍勝
昨日香香與苟姑娘一同在尖沙嘴出席鞋履活動，兩位新一代宅男女神同場較技，惜穿得密實，只有苟姑娘稍為露背，席間兩人十指緊扣言笑甚歡，有人讚苟姑娘靚女，有人邀香香合照，受歡迎程度不相上下，但無疑香香正有劇集出街，新鮮感及人氣稍勝一籌。
香香事後被問到已成新一代宅男女神時笑言：「同事有講過，但我唔太識中文，只知係支持，多謝！」苟姑娘之前也是宅男女神，香香說：「我唔係宅男，苟姑娘都係我女神。」兩個宅男女神比，誰會輸？香香笑說：「真係唔好比，我只想同一年前嘅自己比，我唔係女神，只係個普通女仔。」
在女神選舉中暫仍以點數稍勝的苟姑娘，被問到如何看香香這個對手，她說：「唔好話係對手，佢係我好朋友，我知佢做咗宅男女神，替佢開心，希望大家都好。」地位是否被取代了？苟姑娘說：「冇所謂，唔介意，都冇話取唔取代，可能我有另一個位置，最緊要做好手頭工作。」對於香香視她為女神，苟姑娘禮尚往來，也讚香香同樣是她心目中的女神，兩人屬於不同類型及性格，不可比較，苟姑娘坦言：「有啲嘢佢有我冇，有啲嘢我有佢冇，有啲嘢要向佢學習，好似笑咁，我笑得唔開心，應該簡單啲、諗少啲。」
獲盈盈致電鼓勵
緋聞方面，苟姑娘著實不少，香香也因劇集跟錢嘉樂傳緋聞，香香禁不住大叫：「啋！大吉利是！冇啲咁嘅事，我同湯盈盈係朋友，盈盈主動打畀我話唔信，叫我努力，好感動。」活動後，香香跟經理人轉到咖啡店食麪醫肚，只吃了半小時便匆匆離開，閒逛一會後便到天星碼頭乘的士返將軍澳中心寓所。
此外，到底用胸圍代替三角巾的方法是否可行？方玉輝醫生說：「要固定骱位，基本上搵到乜嘢都要用，最理想梗係三角巾或者繃帶，都要讚一讚編導咁都諗得到。」
採訪：李珮洳、梁繼光
攝影：黃偉雄、黃曉程
巴不得Bra Bra
在大前日的一集《巴不得媽媽》，錢嘉樂甩手骱，香香竟將身上的bra除下，將bra當三角巾幫嘉樂仔包紮，認真重口味，看來劇名可改做《巴不得Bra Bra》！
１）眼凸凸
岑麗香脫下bra，在錢嘉樂面前「揚嚟揚去」，令男方相當尷尬。
２）Bra笠頭
香香一手將肉色bra笠在嘉樂頭上，嘉樂喊冤：「以後點賭錢呀！」
３）托得妙
香香將胸圍當成三角巾，又誇讚它柔軟兼有承托力。
４）食波餅
真空的香香不經意將胸部撞向嘉樂手臂，畫面令人充滿遐想。
５）留餘溫
完成包紮，嘉樂右手狠狠地抓著傷患部位。
６）洗胸罩
嘉樂單手洗bra，後來才發現可用機洗。
７）晾衫膝
嘉樂用膝頭哥晾bra，再用風筒吹乾，結果被家人發現。
８）買新Bra
香香陪朱咪咪shopping，劇情離不開揀bra。
網上熱話：巴打讚苟靚香甜
最近高登發起公投揀女神，由近日冒起的香香挑戰肥苟，暫時仍是肥苟領先。
真喜男：就算香香唔夠肥茍靚，我都係鍾意香香BB多啲。
Kwon_Yuri：慧慧靚啲，但唔知點解鍾意香香多啲，笑得好sweet。
朱敏瀚：雖然香香公主都係正，但點都係慧慧好啲。
25_JoeHart：香香唔靚，但有種吸引眼球的魅力。肥茍好靚，所以吸引到我的眼球。
J．傑：無綫都冇乜嘢剩，係件（香香）算順眼。
資料來源：高登討論區
女神誕生
苟芸慧小勝香香
苟芸慧
苟芸慧和岑麗香均是國際中華小姐冠軍，近年華姐出花旦的比率比港姐更高，當中包括01年冠軍廖碧兒、04年冠軍鍾嘉欣、05年冠軍李亞男、05年亞軍陳法拉、07年季軍陳爽和08年冠軍朱璿等，其中法拉、鍾嘉欣、陳爽和朱璿甚受高登仔歡迎，但論現時最hit，非「岑苟」莫屬。
苟芸慧vs岑麗香
苟芸慧
年齡：29歲
三圍：34、24.5、34.5（勝）
花名：肥苟、苟姑娘（和）
名銜：2008多倫多華裔小姐冠軍、2009國際中華小姐冠軍（和）
緋聞：羅天宇、蕭正楠、鄭嘉穎、陳豪、謝天華及曹永廉等（勝）
岑麗香
岑麗香
年齡：27歲（勝）
三圍：33C、23、33.5
花名：香香公主、噚日香（和）
名銜：2009溫哥華華裔小姐冠軍、2010國際中華小姐冠軍（和）
緋聞：錢嘉樂
.新一代高登女神惡鬥 岑麗香除Bra挑苟芸慧機
http://hk8news-d.blogspot.com/2012/09/bra.html
