2012年9月28日 星期五

[忽然1周]老爺上門擲書吵大鑊  Toby:我好後悔!

死狗認錯 <br><br>周二( 25日), Toby到無 綫為節目《溏心風暴之家好月圓》錄影。以往無事笑三聲的她,當晚整晚愁眉不展,更向記者表明會改性格。


滾熱辣

老爺上門擲書吵大鑊  Toby:我好後悔!

2012年09月28日

日前,人妻梁靖琪( Toby)與舊相好吳卓羲,在海南島三亞拍攝《衝上雲霄 2》時,被拍到夜潛泳池鴛鴦戲水,又攬又啜豪放本色盡現。

事後 Toby雖然得老公黃敏豪力撐,但其過火行為卻令有頭有面的男家甚為不滿。

本刊收到消息,上周四( 20日)晚上約七時,有人目睹一名年約 60歲的年長男人(疑似 Toby老爺),手執一本娛樂雜誌、怒氣沖沖走上 Toby夫婦位於清水灣道峻弦寓所。目擊者見到該男人入屋後,不久便聽到擲書巨響,之後 Toby與該男人更在客廳爭執。由於聲浪愈吵愈大,惹來同層鄰居走出走廊張望。家醜外傳,難怪老爺大動幹戈。

Toby和吳卓羲上周在三亞為《衝上雲霄 2》拍攝外景,臨返港前一晚,被多間傳媒拍到二人飲到貓曬,雙雙潛入已關閉的泳池埋身肉搏, Toby泳衣幾乎被扯甩,難怪老公和老爺睇到眼火爆。

出道以來,一直自詡是鬼妹仔性格的 Toby,未結婚前,先後被拍到與已婚苗僑偉拖手漫步,繼而有傳她與黃宗澤拍劇時咀出真火,緋聞比事業更精采。去年 11月, Toby下嫁有米富二代黃敏豪後,以為人妻從此修心養性,誰知上周日( 16日)到三亞拍《衝》劇外景時,卻被多本雜誌拍得與同劇的吳卓羲夜潛泳池肉搏。

辣㷫老公

放大圖片

難得密實

以往 著衫下下露事業線的 Toby,當晚卻罕有穿上包到上頸的黑色長袖 Tee,比旁邊的阿佘, 著得更密實。

火辣新聞連環曝光後,據知 Toby老公第一個 著火。知情人透露:「 Aaron(黃敏豪)未見相前, Toby已經越洋報定案,所以佢接機 嗰陣,仲開聲撐老婆,話佢只係玩嚇。 Aaron又同記者講,自己同吳卓羲好熟,知道佢 哋冇 嘢,點知三本周刊(包括本刊)輪住出 Toby啲嬉水相,仲要一次比一次激, Aaron唔發火都唔係男人啦。佢同我 哋講,冇睬老婆 嗰幾日, 瞓覺都走 咗去客房。」據知, Toby費盡唇舌,表明以後唔會再犯後,才得到老公原諒。

老爺擲書

老公幾經辛苦先搞得掂,但 Toby的過火行為,卻辣㷫夫家。上周四( 20日)約晚上七時,有住在清水灣道峻弦的鄰居向本刊透露,當晚目擊一名身穿黑色西裝褸、年約 60多歲的男人,手持一本娛樂雜誌,眉頭緊皺在 Toby夫婦寓所出現。據該鄰居表示:「 Toby同佢老公一開門,見到個男人就一齊嗌 咗聲 Daddy。我睇電視認得 Toby個老竇(梁家樹),上 Toby屋企 嗰個唔係佢,應該係佢老公爸爸。」

該鄰居表示, Toby老爺入屋後便聽到一下擲書聲,繼而聽到他開口質問新抱說:「點解會影到呢 啲相 㗎?你唔知自己做 咗人老婆咩?點解同 啲男仔玩到咁埋? Aaron,佢平時係咁玩 㗎?」之後鄰居聽到 Toby中、英文夾雜解釋,表示吳卓羲只是同事,當時只係成班人一齊玩,但那男人聽完 Toby解釋後,仍未熄火,怒氣沖沖拋下幾句訓話便獨自離開。

唔生仔早有微言

除了爛玩爛蒲激嬲老爺,據知黃父對 Toby這個新抱其實早有微言。 Toby未嫁入黃家前,對黃家十分識做,不時陪男友出席家庭聚會。明知黃父母恨抱孫, Toby亦承諾婚後會積極造人,因此甚得男方家長愛錫。豈料成功嫁入豪門後, Toby卻反口指自己已排滿工作,最快要待明年甚至後年才可為黃家開枝散葉,令黃父大失所望。

新抱以事業心重作為唔生仔理由,誰知卻頻頻有爛玩新聞曝光,黃父唔嬲就假。

老竇好友擔心

連環火辣照片曝光後,據知梁家樹連日憂心忡忡,更有人見到他在電視城煙駁煙滿懷心事。而本刊記者上周五( 21日),見到腹大便便的湯盈盈專登揸車到 Toby家中(右圖),為好姊妹解愁。

密實 Toby:我會改

周二( 25日), Toby上無 綫錄影節目《皆大歡喜之溏心風暴》。平時 著衫「疏爽」的她,當晚卻少有地 著住長袖貼到上頸的圓領衫,包到 冚現身。對於老爺上門吵大鑊, Toby口窒窒說:「冇、冇呀,佢多數 喺內地做 嘢。(知道你老公同老爺為 咗呢輯相好嬲喎。)其實大家都知我係咩性格, 嗰晚係玩緊,我同阿 Ron(吳卓羲)冇錫到,只係角度問題,不過 啲相係令人覺得我 著得好少衫。報道出 咗 嚟,我知道令到好多屋企人唔舒服,我都好後悔 嗰晚玩得太癲。(會唔會改?)咁我會改嚇我 啲性格,或者我太過男仔頭,以後會避忌 啲,唔會同男仔有太多身體接觸,唔好再俾人有太大幻想空間。」

老爺發火

上周四( 20日)晚上約七點, Toby老爺拎 著一本封面有 Toby和吳卓羲在三亞摸黑嬉水照的雜誌,殺氣騰騰踩上 Toby和兒子所住的峻弦,直指新抱行為離譜,更發火要她日後嚴守黃家家規,場面火爆。

放大圖片

事發地點:清水灣道峻弦

放大圖片

一肚氣摸上門

放大圖片

入屋後鬧爆 Toby

低調富老爺

Toby老爺黃振聲的生意甚多元化,他旗下有多間公司包括能聯國際、振聲投資、鑫耀紡織廠,主要業務包括投資、製衣及飼料生意。其名下豪宅物業亦遍布港九新界,在元朗更擁有地皮,單是手持物業資產已逾二億。雖然黃氏財富豐足,但黃振聲為人極低調,從不向人炫耀身家,更極少接受訪問。去年他娶 Toby做新抱,成功避開現場所有傳媒的耳目,低調現身婚禮。

據知 Toby老公黃敏豪跟低調的爸爸相反,於 95年求學時期曾參加溫哥華新秀歌唱大賽,在當地更當了創作歌手,但後來被父親反對入行。早年黃敏豪曾與薛凱琪傳緋聞,黃父極為不滿,但事隔幾年,兒子搭上更豪放的 Toby,難怪黃父有微言。

番老公

Toby和老公黃敏豪婚後被本刊影到當街甜蜜互咀。今次三亞事件, Toby和老公為此冷戰,雖然 Toby極速番老公,但就未擺平思想較傳統的老爺。



.[忽然1周]老爺上門擲書吵大鑊  Toby:我好後悔!
http://hk8news-d.blogspot.com/2012/09/1-toby.html