2011年10月11日 星期二

[FACE.直接睇]足球會擺酒 臨急試婚紗 Mr.鼓佬護妻:個肚好緊!




小夫妻

拍拖兩個月就搞出人命宣布閃婚的Mr.鼓佬杜志烜(Tom)和「陽光妹」何思諺(Leanne),近日正努力籌備婚事,為本週五(14日)假跑馬地足球會舉行的婚宴做準備。

上週六(8日),本刊發現開始穀奶凸肚的Leanne拖實老公仔試婚紗,準新人見到記者,依然 到實,問Leanne可否試婚紗影相,Tom護妻心切話:「唔好影喇!好辛苦㗎!(個肚)好緊吖嘛!」個肚緊啲定做人老公被箍得緊啲呀?



23歲Mr.鼓手Tom同21歲𡃁模蔡穎恩(Evelyn)相戀2年,幾個月前傳出因女方同公司好姊妹Leanne介入搞到分手,Tom和20歲新歡Leanne密遊日本斷正,焗認戀情,拍拖一個月,9月9日突發聲明宣布有餡閃婚,雙喜臨門

萬三租翔龍灣

Leanne個肚愈來愈大,就算被指窮嫁Tom都冇所謂,仔細老婆嫩,做咗一家之主的Tom隨即搬離土瓜灣唐樓,以13,000蚊月租翔龍灣,婚紗揀銅鑼灣中上價樓上鋪,更託親友訂跑馬地足球會場地豪搞婚宴,都算落本。上週六(8日),本刊在銅鑼灣發現兩人正上一商業大廈試婚紗,進入婚紗店後,記者隨即按鐘,可惜店員洞悉記者來意,婉拒開門,記者只好在門口等候,十多分鐘後,Tom、Leanne和Leanne模特兒公司負責人步出。新婚在即的二人對記者有問有答,甚有默契。F: T:Tom L:LeanneF:可唔可以着多次婚紗影相?T:唔好影啦!家換衫(婚紗)好辛苦㗎!(個肚,用手指着肚比劃)好緊吖嘛!又除又着,好攰呀!F:慣唔慣俾人叫杜太?L:14號……到時先啦!(家都可以叫)嘩!怕醜喇!唔好講喇!F:家幾多個月?T:唔講得㗎!屋企人話小器。(照咗未?)幾好,幾健康!F:食咩補品?T:飲鮮奶(望一望老婆)L:醫生話唔使食咁多。T:咁後生反而唔使食咁多。

結婚開心價

F:結婚用咗幾多錢?T:正常婚禮囉……唔好問呢啲……L:(搶住幫口)開心價錢!開心價錢。T:熟人係易啲book到場地……咁我哋好在啲屋企人識人啦!咁個場地就好易book到。據知Tom二人的婚禮定於本月14日於跑馬地足球會舉行,當日Leanne會先穿一件純白露背拖尾婚紗戴上頭紗,與賓客一同享用buffet dinner,然後再換一套晚裝,不過由於Leanne已有約兩個月身孕,開始穀奶肚凸凸,所以試婚紗時,腹部箍緊有點辛苦,不過為了最靚一刻都要死忍。

8千蚊租婚紗

小夫妻揀選嘅婚紗,係開業僅8個月嘅銅鑼灣樓上鋪J'ADORE(右圖),婚紗店走中高檔路線,要預約先睇得,據知Leanne租咗一套婚紗、一套晚裝,盛惠8千蚊。

婚禮睇馬場景

本週五(14日)舉行嘅婚禮,選址係體育路3號足球會,當晚賓客一邊食buffet dinner一邊睇馬場景。據足球會公關稱,要會員先可以訂場地:「會員可以自己或代別人book場地,不過event當日,嗰位會員都要親身簽單,如果由非會員簽咭,要加5%手續費,而該會員都要先填一張授權表。Buffet價錢則要視乎食物,一般500蚊一位。」

睇胎教書

Leanne稱家有孕仍有做運動,喺佢微博就擺咗張胎教書相,仲話BB嘅一生取決於胎教咁話。

短髮待生

好多孕婦都會剪髮,等自己畀多啲營養個BB,Leanne後生女都信㗎!

龍B等住嚟

娛樂圈今年喜事特別多,除咗Tom同Leanne雙喜臨門之外,圈中唔少藝人都趕住明年生番個龍B,係威係勢!



朱凱婷 最快做龍媽 1月港姐出身的朱凱婷,去年9月嫁飛機師Dickens,婚後半年便有喜,現時懷胎6個多月,Heidi稱產後會繼續工作繼續投資。



陸永 奉旨急婚 2月農夫陸永上月同22歲地產小花Rainah奉子成婚,老婆現已5個月身孕,預產期是明年2至3月,隨時係娛圈第一個識rap嘅龍B。



高皓正 等過年做爸 2月高皓正同老婆陸凱兒去年3月結婚,過了一年終於「造人」成功,太太懷胎5個月,高皓正話未知係仔定女,總之係健康龍B就得喇。



徐熙娣(小S) 最忙星媽 4月台灣小S徐熙娣宣布懷有第3胎,預產期是明年4月,將會在農曆年前放產假,但休息前要先完成8至9個廣告,認真誇張! ####



銅鑼灣凸肚

8/10 3:50pm當日素顏Leanne身穿鬆身連身裙、外加長袖恤衫在老公仔Tom護駕下曬肚往試婚紗。



的士曬婚戒

對記者有問有答嘅小夫妻,上的士後Tom不經意曬左手中指嘅訂婚戒指;而女方就戴在右手中指。



大肚行馬路

未發現記者時,由於耀東街週末塞車,Leanne唔理危險,大住肚行馬路,老公都唔理,好牙煙喎!



忘情工作傳被飛嘅Evelyn就繼續工作,上週六還發現佢獨自shopping及影相做job。





店員醒目當日Tom和Leanne二人入婚紗店後,記者嘗試按鐘進入,但醒目店員僅開了一呎門隙,並打發記者離開。



鍾情ruffles(前)Leanne揀選嘅婚紗,係圖中吊帶ruffles拖尾婚紗,因她腰肢日漸圓潤,所以腰圍部分箍得較緊,着時有點辛苦。



(後)




















229期《FACE 週刊》