無碇企
挖角潮停唔到，TVB要打贏仗，除咗要狂加人工留低班小生花旦，仲要出動友情牌力邀重量級外援回巢，少啲誠意都冇得傾。
要吸引好演員同廣告商，TVB打算於下年為《衝上雲霄》及《金枝慾孽》兩部經典劇開拍續集，可惜事隔7、8年，當年主角一係離巢一係息影，要原班人馬開拍近乎零可能。其中《衝2》三位主角吳鎮宇、馬德鐘及陳慧珊全部唔願返TVB，TVB惟有安排張智霖及親生仔林峯加入，反而第一集有份做「S4」、仲係TVB小生兼親生仔的馬國明竟然被out，上週更連節目巡禮都冇份拍！難怪馬明呻到樹葉落：「我都好想拍，不過冇人搵我！」
03年的《衝上雲霄》收視最高37點，當年有吳鎮宇及馬德鐘兩大型仔機師壓陣，加上劇集有國泰贊助，可以飛意大利、澳洲及北海道拍外景。不過出年拍續集，有傳國泰計過條數後拒絕再玩，TVB惟有轉搵專門提供短途的香港快運，歐洲靚人靚景隨時冇曬！
馬明：我好想拍
贊助商縮沙，三位經典主角亦冇影。馬德鐘已約滿無綫，飾演Vincent一角亦於上集死去；陳慧珊專心湊女；「Sam哥」吳鎮宇則轉返內地拍劇搵「人仔」對無綫劇興趣不大，四個主角得番親生女胡杏兒有得留低。鐵三角各散東西，當年的「S4」亦被拆散。離巢陳鍵鋒冇份唔出奇，奇在與黃宗澤及吳卓羲同屬親生仔的馬明竟然人間蒸發，配角都冇得撈！擺明唔得寵，馬明週一接受訪問時忍唔住向本刊呻：「我好想拍續集！不過到目前為止都冇人搵過我，我都唔知點解，可能家只係拍巡禮，劇本同人選都未定，希望到時我有份拍啦！」
8萬請外援
重頭劇唔預馬明，無綫卻搵林峯空降做主角，更安排佢同張智霖爭胡杏兒，戲分極重，兩個親生仔待遇差天共地。除派出皇牌林峯，無綫眼見Chilam同杏兒上年在《魚躍在花見》的情侶檔受歡迎，決定以8萬一集利誘Chilam頂替吳鎮宇。無綫罕有天價，但Chilam話仲未落實幫手打仗，「無綫方面好有誠意，不過劇本都未出，一切言之尚早，拍唔拍我仲未決定，點都要睇咗劇本先！」
Out
永遠懷念
8年前的《衝上雲霄》，吳鎮宇同陳慧珊冇得happy ending，馬德鐘又慘死於意大利街頭，幕幕經典，諗起都想舊片重溫。可惜續集人面全非，連贊助商都換埋，加上最近又爆出疑似已婚機師同空姐淫照事件，又難怪網友咁唔睇好喎！
《金枝2》執位 蔡少芬做侍婢鬥如妃
TVB鬧小生荒，其實花旦一樣缺貨。04年的《金枝慾孽》月前重播都吸引大量觀眾追睇，無綫立即拍板開續集，並繼續由金牌監製戚其義操刀。
蔡少芬：還劇債
當年四位娘娘包括鄧萃雯、張可頤、黎姿及佘詩曼，現時只有雯女落實演出，其餘三位仍未答覆。至於新加入的蔡少芬，全因要還劇債先肯回巢，「我生女之前仲爭TVB 3套劇，如果《金枝2》有40集，就當還咗兩套㗎喇！我個角色同陳豪有感情戲，亦會同雯女互睥！」舊人唔齊章，戚其義就話可能仲有轉機，「套劇冇咁快開拍，劇本又未有，所以仲未知有咩演員一定拍，我當然想原班人馬啦！(林保怡同黎姿死咗喎？)上集都冇見到佢哋條屍，唔一定死咗嘅！」咁都得？
2012劇集曬冷
電視台大戰即將展開，無綫亦不敢怠慢，除咗《衝2》及《金枝2》，又召齊全台小生花旦開拍新劇，不過來來去去主角都係嗰幾個，其中以漢代劉邦皇後呂雉為題材的，更好大機會鬧雙胞！真係玩嘢！ ####
留剩3件
明明當年係「S4」之一備受力捧，點知馬明家竟然俾同輩吳卓羲騎住，二人在即將開拍的40集長劇《名媛望族》又合作，繼續爭餐死！
杏兒跛咗《衝2》講胡杏兒遇到意外，要坐輪椅出入，今集冇咗Sam哥吳鎮宇，杏兒會同林峯及Chilam兩個機師搞三角戀，跛咗一樣係女神。
Chilam湊仔Chilam戲中與老婆離婚，仲有一個仔，拍巡禮當日佢就孭住位童星周圍走。點解唔搵魔童客串吓呀？
唱K冇癮吳卓羲在上集飾演Issac上位，點知今集又俾林峯攝位做主角，吳週一回應時話一切都係公司安排，「排位呢啲我唔理喇，況且家只係拍promo.，劇本同角色都未定實！」
吳鎮宇飾Sam哥影視兩棲
馬德鐘飾Vincent內地拍劇
陳慧珊飾Belle專心湊女
馬國明飾Roy留守無綫
陳鍵鋒飾Donald內地拍劇
葉璿飾Zita主攻電影
鄧梓峰飾Tony主力司儀
Sam同Belle喺第一集已經超浪漫，點知最後都唔可以一齊，慘！
三位主角週一回電視城拍節目巡禮，據知蔡少芬會飾演侍婢，原本服侍雯女，而雯女則繼續做如妃，兩人最後由主僕變敵人！
除咗雯女，陳豪都有得留低，佢話最想左右逢源，同雯女及蔡少芬談情。
監製戚其義爆料《金枝》監製戚其義週日透露，樂易玲已親自遊說原班人馬演出續集，上集被燒死的林保怡及黎姿亦有機翻生。
黎姿仲有機已經生咗對孖女嘅黎姿，同樂易玲私下friend底，早前更邀請對方出席自己個生日party。如果樂小姐開到聲，唔知Gigi會唔會應承出山呢？
安茜被out陳豪已落實有份，但上集結尾中箭、但冇交代死咗定仲在生嘅張可頤就話自己未收到通知。
玉瑩未死？「孫大人」林保怡同「玉瑩」黎姿上集攬住一齊燒死，雖然二人回巢機會極微，但戚其義仍然話：「都見唔到條屍。」唔排除兩人有份拍續集。
《Miss Cool外傳》（鍾嘉欣、黃宗澤）
《天梯》（陳豪、張可頤）
《呂氏為王》（楊怡、黃宗澤）
《怒火街頭II》（鄭嘉穎、胡杏兒）
《呂後傳》（張可頤、鄭嘉穎）
《雷霆掃毒》（徐子珊、郭晉安）
《名媛望族》（陳法拉、吳卓羲）
《神探哥倫布》（黎耀祥、楊怡）
229期《FACE 週刊》
