FBI File
玩具大王蔡志明獨仔蔡加讚（Karson）嘅「成功需苦幹」改圖熱爆高登，前排又因車場違規經營上A1，好在同甄子丹姨仔汪圓圓拍拖大半年冇暗湧，糖黐豆鬼咁sweet。
上週六（8日）晚，FBI撞到2人拖手入去圓方嘅高級家品店BALS TOKYO睇生活用品，而汪圓圓更不時在蔡公子耳邊畀意見。雖然煙韌到死，但當2人步出店外時，FBI發現佢哋身後原來有大大個電燈膽保鑣照住，三人行拍拖仲咁寃氣，服！ ####
雖然蔡加讚同汪圓圓拍拖時，身後有個保鑣做電燈膽幾唔通氣，但保鑣一直幫手拎西裝褸同戰利品，等佢哋拖手拍拖都輕鬆好多。
Shopping期間汪圓圓一直企喺蔡公子身後畀意見，保鑣遠距離睇實。
229期《FACE 週刊》
