FBI File
下個月就係TVB台慶月，台慶亮燈劇《福祿壽探案》上週一首播，成班演員當然不敢怠慢，趁套劇出街前一日拉大隊宣傳穀收視！當日大會安排福祿壽各自抱住三個女主角出場，阮兆祥肥屍大隻，抱陳茵媺絕對冇問題；李思捷雖然唔高大，不過對手只係細細粒嘅Toby梁靖琪，亦冇難度；最大鑊係王祖藍，5呎3吋人仔要孭起5呎7嘅苟雲慧，雖然祖藍對慣高妹李亞男啫，但都孭到佢喘曬氣，話減緊肥嘅苟雲慧要加油喇。
抱起Toby都係僅僅夠力，如果加埋model身形嘅官ella，冧硬呀！ ####
苟姑娘起碼有120磅，成個人砸落祖藍度，搞到祖藍面容都扭曲曬！
229期《FACE 週刊》
