[忽然1周 951 ENTERTAINMENT] 李思捷分分鐘食死貓 揭陳雅倫秘戀富商兩年 李思捷,陳雅倫,MW,

2013年10月18日星期五

[忽然1周 951 ENTERTAINMENT] 李思捷分分鐘食死貓　揭陳雅倫秘戀富商兩年李思捷,陳雅倫,MW,

姊弟戀疑幻疑真

「倫捷姊弟戀」始於年中陳雅倫做李思捷玩人節目《玩嘢王》的嘉賓，女方當時承認經常上男方屋企，飲伯母靚湯。男方更向友人自爆：「佢（陳雅倫）依家係我條女。」雖然二人其後指傳緋聞只為宣傳節目，但仍不避嫌經常出雙入對。

滾熱辣

李思捷分分鐘食死貓　揭陳雅倫秘戀富商兩年

近日有報道指 47歲陳雅倫以人工方式求孕，更指 BB經手人是李思捷。正當全人類以為二人玩嘢玩出真愛，但本刊收到可靠消息，陳雅倫腹中胎兒經手人另有其人。

據知一向爛蒲爛玩的她，兩年前在聚會中，結識一名逾六十歲的上市公司主席，二人暗交一段時間後，陳雅倫即提出希望為該富豪留種，一心想生 B標尾會入豪門。已屆更年期臨界點的她，近日頻密進出跑馬地養和醫院，更已完成植入胚胎程序，現正等待好消息。

其他影片

靠契姐識富豪

陳雅倫之所以能夠打入上流社會，結識富豪，是得到其契姐毛玉萍穿針引線。而今次陳雅倫的神秘另一半，據了解亦是由毛介紹雙方結識。《蘋果日報》圖片

47歲陳雅倫 90年初憑三級片《危情》和寫真集一脫成名，成為一代性感女神。可惜其後事業停滯不前，多年長駐台灣和大陸，直至近年才再度活躍香港娛圈。

年中，陳雅倫因和李思捷合作《玩野王》而傳緋聞，雖然雙方例牌否認，但其後卻被傳媒多次拍到十指緊扣出雙入對，姊弟戀疑幻似真，適逢李思捷地下情人春卷（王寶寶），在八月初單方面宣布回復單身，「倫捷姊弟戀」更加似層層。

生 B入豪門

雖然外界一直認為倫捷戀是男尊女卑關係，但本刊收到消息，縱使陳雅倫年近半百，但由於性格開放兼玩得劈得，身邊不乏追求者。兩年前，她便在一次聚會中，結識一名年過六十，從事金屬生意的富豪。明知對方已婚及育有兩女，陳依然甘心做對方秘密情人。知情者透露：「咪睇 Ellen（陳雅倫）大情大性，其實佢都想臨老搵個依靠，個男人開頭同佢一齊嗰陣，話同自己老婆冇乜感情，叫佢等多幾年，等兩個女讀埋大學出身，佢就會同老婆講離婚。」

富豪男友更曾向陳雅倫透露希望有子繼後香燈，與時間爭分奪秒的陳即時去醫院做檢查。為免自然懷孕費時失事，陳雅倫最終決定尋求人工方式。除了求助西方醫學，她亦多次到銅鑼灣睇中醫莊純傑來調理身體，望能一擊即中。早前陳雅倫回應人工受孕一事時，承認女人生兒育女是正常過程。「每個女人都會諗，搵到適當伴侶生 BB係正常過程，撇開所有問題，依家都啱 timing嘅！」

攬完再摸

李思捷和陳雅倫早前孖住宣傳《玩嘢王》，活動後，思捷在停車場對陳雅倫攬腰又捽手，女方上到車即主動挨埋去咬耳仔。兩個冇嘢？冇人信啦！不過究竟女方腹中胎兒經手人誰屬，相信思捷都未必知。

頻頻進出醫院

由於富豪男友開綠燈禦准生仔，三個月前開始，陳雅倫找來有「明星不育聖手」之稱的何永超醫生，為她做人工受孕。何醫生一般診症需過千，若要打排卵針、取卵、植入、冷凍胚胎等加接生一條龍服務，收費高達 50萬元。不過有大水喉射住的陳雅倫，當然無後顧之憂。

記者上個月目睹陳雅倫獨自到養和醫院做檢查。知情人透露：「 Ellen不時要去醫院打針，同姑娘講番自己身體狀況。佢同我哋講，到現時為止，已經喺個肚打咗廿幾枝排卵針，加埋抽血、取卵、同埋植入嘅過程，佢話咁大個女都未試過咁辛苦。不過若果成功佗 B，佢話乜都抵番曬！」陳雅倫現時已完成最後的植入程序，再過兩星期便會得知結果。正等待好消息的她，已私下向朋友報喜，更表示：「冇擔心過自己會唔得。」似乎信心爆棚。

春卷敗走

李思捷出名雜食，跟春卷王寶寶拍拖四年以來，曾傳出與𡃁模 Naomi、藝人李思蓓搭上，結果春卷敗走。不過李思捷今次遇上情場老手陳雅倫，是福是禍仍是未知數。圖片

頻密到醫院

早前有傳媒拍得陳雅倫經常進出養和醫院，陳解釋指自己契爺是病理科主管，所以自己與醫院的病房醫生很熟絡，即使平時傷風感冒，亦會到養和求診。《蘋果日報》圖片

思捷唔知情

陳雅倫密謀為富豪生 B，據知李思捷一直蒙在鼓裏，更不清楚女方原來背後有個隱形富豪照顧。知情人透露：「其實完咗《玩嘢王》後，佢哋都仲 keep住有見面，仲試過繑曬手去朋友聚會，我哋都以為佢哋拍緊拖，你見思捷激走咗春卷都懶懶閒就知。」其實李思捷原有意和陳雅倫嚟真，但相信連他亦估唔到陳雅倫一心靠 B入豪門。

連日來，本刊分別在李思捷和陳雅倫寓所守候，但亦未見兩人蹤影。之後，再致電他們，但至截稿前仍未有回覆。看來傳出陳雅倫佗 B之後，她和李思捷都有心「潛水」。

波餅密密送

近年回歸香港的陳雅倫，每逢出席活動依然搏到盡。早前她上《獎門人》節目時，着上 deep V背心，經常𠌥身拋胸，見到在場有可愛小朋友更即時攬到實，母愛爆棚。《蘋果日報》圖片

微博透露心情靚

未被踢爆人工受孕前，陳雅倫上月尾在微博透露近日心情不錯。但當雜誌周一刊登她為李思捷做人工受孕時，她隨即在微博直斥該本雜誌老作。

聞 BB哈哈笑

未爆陳雅倫有餡前，記者曾在何文田李思捷寓所，目睹他獨自跑步練氣。對於自己是陳雅倫 BB經手人，李透過 WhatsApp回覆記者說：「哈哈，唔回應啦！」

隱形富豪背景

已故巨星胞兄

與圈中人稔熟

年約六十

從事金屬生意

已婚並育有兩女

與陳雅倫秘戀兩年並打算留種的隱形富豪，雖然其貌不揚而且個子不高，卻深得陳的歡心。

高齡人工易流產

陳雅倫今年 47歲，以她這個年紀的高齡產婦，若要進行人工受孕，成功率不多於 10%。本刊諮詢過著名婦產科醫生靳嘉仁，他解釋：「最易受孕嘅年紀係 25-30歲， 45歲以上肯定係最困難。我哋所講受孕即着牀，着牀頭 12周係最緊要，喺 12周前嘅流產機會係十分一，若果係高齡產婦機會率就再高啲。而即使 BB佗得穩，媽咪又冇事， BB生咗出嚟都可能有其他問題。」