[忽然1周 951 ENTERTAINMENT] 老外 Cuz峇里送機 樂基兒冧爆返港 樂基兒,基兒,MW,

2013年10月18日星期五

[忽然1周 951 ENTERTAINMENT] 老外 Cuz峇里送機　樂基兒冧爆返港樂基兒,基兒,MW,

機場拍拖

周二（ 15日）約下午 5點， Gaile同 Cuz喺峇里機場出現。唔好以為 Gaile掛住玩電話呀，目擊者就話佢哋好 sweet，有講有笑。

媽咪姐

老外 Cuz峇里送機　樂基兒冧爆返港

一段婚姻要畫上句號，部分女性可能覺得係絕路，但離婚對樂基兒（ Gaile）嚟講，肯定係一種解脫。今年 32歲嘅 Gaile，上年失去黎明呢個靠山，但換來嘅係用錢都買唔到嘅自由。一年有八成日子留喺峇里嘅佢，閒時滑水去 party，飲飽食醉就返嚟香港出騷賺下生活費，認真疏乎。最重要嘅係， Gaile可以搵到同聲同氣嘅真愛——新西蘭籍男友 Cuz。

其他影片

Gaile同新歡溺愛咗一年，二人繼續煙韌。周二（ 15日），有讀者目睹 Gaile同 Cuz現身峇里機場，原來 Gaile呢日要返港逗留一晚，翌日再飛美國探父母。 Gaile要暫別峇里陽光與海灘，難怪男友 Cuz親身送機，珍惜離別前一分一秒。

同日午夜， Gaile單拖返港，媽咪姐當然踩入香港機場搵佢傾下偈。佢話：「今日都好夜，班機都遲咗三個鐘，所以都好攰。（邊個喺峇里送你機？）司機……司機接我機！（男友送你機喎！會唔會公開？）我好攰， bye bye！」

Gaile雖然口口聲聲話攰，但全程冧笑，搵到真愛嘅人係零舍開懷啲！