封面
TVB亞視幫互篤 田蕊妮眼紅萬綺雯
2013年01月23日想撈得掂娛樂圈，天分、後台、資歷都係附屬品，最緊要有運！
昔日亞視花旦，萬綺雯最遲一個埋無 綫堆，偏偏過檔頭炮劇集就擔正話題劇《老表，你好 嘢！》女主角，個個話佢防腐兼好戲；咁 啱又撞正無 綫鬧花旦荒，有傳樂小姐親自出天價利誘簽做親生女，酬勞直迫胡杏兒！
遲來先上岸，據悉，蚊蚊得寵，成班亞視幫得個恨字，惟獨蚊蚊口中嘅「小辣椒」田蕊妮眼紅到出面，不過蚊蚊勝在一向人緣好，有亞視黨更實行跟田蕊妮劃清界線，難怪連田蕊妮自己都認：「我以前細個，真係得罪好多人。」
外憂內患夾攻，冇人冇橋更冇口碑，一台獨大局面備受威脅，無 綫都焗住要改革。新劇《老表，你好 嘢！》大膽起用幕前人王祖藍做編劇，台前幕後加入大量新面孔，果然有新意有話題，上週首播即錄得 33點收視，連帶男女主角、配角甚至大茄都變話題。
杜太唔關注蚊蚊、煒哥
田蕊妮微博關注 325人，最多電影人、商台人，前亞視藝員只得李綺雯、梁美芬同楊恭如等，冇陳煒同萬綺雯份。
一步登天
除 咗王祖藍自編自演，《老表》最大賣點莫過於有萬綺雯做女一！ 89年當選亞姐亞軍，萬綺雯忠心耿耿做足 22年亞視當家花旦，休息兩年後，去年才與無 綫簽下部頭約，仲要即簽即用，連做《老表》、《好心作怪》兩劇第一女主角。即時將要狂賣肉至做得女配角嘅陳煒、同喺 TVB撈足七年都企唔穩一線嘅田蕊妮比下去。唔只劇運亨通，萬綺雯連觀眾緣同高層緣亦贏其他前亞視花旦九條街，連樂易玲都親口向記者承認想簽蚊蚊做親生女：「我好鍾意佢，以前亞視 啲女藝員我淨係留意佢一個！如果佢肯簽，咩 嘢都有得傾！」
兩種待遇
據知萬綺雯過檔兩劇每集酬勞 2萬，樂小姐以天價每集 5萬利誘蚊蚊與無 綫簽經理人合約，直迫無 綫胡杏兒的每集 6萬當家花旦價。萬綺雯一向與世無爭人緣好，在無 綫獲得非一般待遇，其他亞視幫少有微言，惟獨當年曾跟萬綺雯合作拍《萬家燈火》扮兩姊妹兼「殭屍」系列、 06年已過檔的田蕊妮不滿到出面。據幕後爆料：「亞視幫人緣最麻麻就係田蕊妮，當年 喺亞視時已經得罪人多，之後又跟住老公杜汶澤群 啲電影明星，根本冇理之前亞視舊同事，𠵱家咁多亞視藝員過檔，人 哋待遇仲好過佢好多，佢成日向身邊人呻唔公平。」而萬蚊蚊微博狂關注亞視人如陳煒、張文慈，甚至曾傳不和的楊恭如，獨欠田蕊妮，田蕊妮當然亦無關注蚊蚊。
田蕊妮：「你又知我冇 5萬一集？」
據悉雖然有同樂小姐傾過合約細則，萬綺雯簽作親生女機會始終不大。年屆 42歲，萬綺雯依然 keep住童顏同 42吋招牌長腳，最大原因都係限時工作、陪住老公陳十三玩樂為重。上週五，本刊記者見證萬綺雯在西貢村屋深居簡出，約朋友外出都係去西貢海傍行沙灘吹海風掟嚇石仔再歎個點心燒賣，確實優遊。對於得寵被阿田眼紅，蚊蚊傍晚回家時笑笑口否認：「佢係小辣椒 嚟㗎，不嬲都係口直心快，佢哋得把口咋！」至於阿田週一（ 21日）在電話回覆記者時就唔認眼紅：「樂小姐淨係留意佢一個亞視藝員？蚊蚊對腳咁長，好難唔留意喎！我以前細個真係唔識同人溝通，得罪好多人，離開亞視咁多年，少聯絡亞視人係真嘅，但係我同蚊蚊 喺電視台見到都有傾偈。眼紅咩 啫？你又知我冇 5萬一集？」個個都 5萬蚊一集，咁就冇人走啦！
亞視 4人幫
亞視人妒忌蚊蚊，只因佢一到場即有靚位攝，反而江美儀同陳煒，唔係要重口味就係賣肉，而田蕊妮都喺 TVB要撈足 4年先有主角做，唔眼紅有鬼！
住海景屋遊世界
萬綺雯 89年參選亞洲小姐時芳齡 18，唔覺唔覺今年已經 42歲，不過點睇都係得 30歲左近，身材 fit到漏，皮膚滑嘟嘟。駐顏有術，其實同蚊蚊生活習慣息息相關。萬綺雯曾經透露，早年在亞視當紅期捱出病，當下決定要放棄名利留番條命，從此以後電影電視年年都係一部起兩部止，保持低產量；家住鄰近烏溪沙全棟村屋，享受全海景及大花園，年中大部分時間種花養貓為樂；極其享受二人世界，一年幾次與老公陳十三外遊享樂。咁優遊自在，又點會老呀？
.[FACE]TVB亞視幫互篤 田蕊妮眼紅萬綺雯
http://veryy8.blogspot.com/2013/01/facetvb-tvb-face.html.[FACE]TVB亞視幫互篤 田蕊妮眼紅萬綺雯
http://veryy8.blogspot.com/2013/01/facetvb-tvb-face.html
