真面目
復牌上市 飛偷食男友 暴瘦周秀娜當方力申水泡
2013年01月23日女神周秀娜（ Chrissie）與男友陳偉成（ Avis）拍拖 6年，最近多次傳出因為 Chrissie經常北上搵人仔睇唔實 Avis，令 Avis有機可乘，背女友偷食。
週日（ 20日）暴瘦 Chrissie出席《十大中文金曲頒獎禮》忽然自爆回復單身。據了解， Chrissie係喺上週六（ 19日）先正式同 Avis分手。霎時失去依靠， Chrissie只好緊抱內地劇拍檔方力申這位大水泡，辣㷫 Stephy都在所不計。
週日（ 20日）晚， Chrissie出席《港台十大中文金曲頒獎禮》時，忽然於台上開咪宣布甩拖：「唔好意思我喺度想講我回復單身，心情 ok，大家可以熱烈追求我。」講就講到好輕鬆，背後其實有苦自己知。
「諗法唔同咪分開」
Chrissie上星期六出席活動時已承認同 Avis冇見面超過 1個月，「近排少溝通，但現階段仲係男女朋友關係。」據知情者透露自從上個月 Chrissie同 Avis醞釀分手， Chrissie一直都好唔開心，「因為女尊男卑， Chrissie愈紅，佢同 Avis就愈多拗撬。同 Avis醞釀分手期間， Chrissie經常食唔落嘢，搞到成個人落曬形，瘦到見骨，戥佢辛苦。」
週日（ 20日）晚，本刊記者亦於《十大金曲頒獎禮》後台直問 Chrissie失戀心情，佢扮輕鬆話：「冇話可唔可惜，人大咗發覺拍拖唔只要問心，仲要有共同目標，大家諗法唔同咪分開囉。好多問題唔係一朝一夕，係不停積落嚟。」問到近期暴瘦， Chrissie繼續死撐：「冇，我冇磅過，但我知自己只係 firm咗，冇輕到。」
拍劇撻著小方
Chrissie自爆分手後，週一即有報道指她原來暗中偷食，搭上上年合作拍劇的方力申，硬撬 Stephy牆腳。之不過據知情者透露， Chrissie跟方力申的而且確傾得埋，但 Chrissie只當小方係水泡，冇諗過同對方拍拖。
本週一，記者亦致電 Chrissie及 Avis的經理人 Roy了解，佢證實 Chrissie係喺上週六晚出席活動後，先至同 Avis攤牌， 6年情正式玩完。但 Roy否認 Chrissie搭上方力申，「絕對唔關方力申事。可能因為佢哋套內地劇（《唐朝浪漫英雄》）就嚟上，先俾人借啲意煲新聞。」至於 Chrissie跟 Avis的真正分手原因， Roy就話唔方便透露。而本刊亦曾多次聯絡 Avis，但至截稿時仍未回覆。
回味咀小方
2人上年合作拍咗一套內地電影及一套內地劇。喺即將播映嘅《唐朝浪漫英雄》內， 2人更有咀戲。上星期 2人出席新劇發布會時，劇中要扮「孖膶腸」的娜姐更話：「自己唔係第一次拍接吻戲，但呢場另類接吻戲令我非常難忘、亦非常回味。」
雖然小方傳出同 Chrissie撻著，但上年年尾小方同女友 Stephy於深圳電台舉行嘅跨年晚會「聲振新世界」中，一齊著睡衣登台，依然孭住「情侶檔」個朵搵銀。
關於方力申同 Stephy感情有變一事，週一（ 21日），方力申爸爸方毓仁向本刊記者話：「冇啲咁嘅事，娛樂新聞一單……唔知邊個周秀娜。」回應時頗勞氣。
各有各玩
表面上 Avis衰曬，娜姐好慘。但查實 2人拍拖 6年來，娜姐都有同其他男人傳緋聞，事實可能係各有各玩。
11年頭， Chrissie同 Avis一齊去曼穀度假，就被影到喺泳池旁幫男友推油，親密得嚟又好肉麻，當時仲好恩愛。
Chrissie
Avis
Chrissie北上掘千萬
女神周秀娜，自上年起轉移基地，北上搵人仔，單係上年已拍過《非狐外傳》、《 Hold住愛》等 4套大陸電影及一套大陸劇《唐朝浪漫英雄》，加上頻頻接大陸騷。據稱 Chrissie上年已賺約 1千萬港幣，唔怪得知，搬出娘家嘅西環舊樓，轉租小西灣藍灣半島，升曬呢。
.[FACE]復牌上市 飛偷食男友 暴瘦周秀娜當方力申水泡
http://veryy8.blogspot.com/2013/01/face-face_1077.html.[FACE]復牌上市 飛偷食男友 暴瘦周秀娜當方力申水泡
http://veryy8.blogspot.com/2013/01/face-face_1077.html
