真面目
中頭獎 《勁歌》亂頒 林峯𢱑獎扭計成功
2013年01月16日近年笑料百出的《十大勁歌金曲頒獎典禮》週日（ 13日）晚直播，雖然四大唱片公司已經解決版稅問題，不過四大旗下歌星仍未與無 綫簽訂歌手合約，《勁歌》繼續自己人玩曬。
據知無 綫原有意將全民投票選視帝視後的玩法用於《勁歌》的最受歡迎男、女歌星，可惜林峯去年在全民投票選中輸畀視帝黎耀祥。為了十拿九穩，林峯早前暗示退出娛樂圈，實質扭計𢱑獎，搞到樂易玲、老闆「殼王」陳國強等高層怕怕，下令取消全民投票。 chok峯詭計得逞，首奪「最受歡迎男歌星」，恭喜、恭喜！
林峯自 09年在《十大勁歌金曲頒獎典禮》上取得「亞太區最受歡迎香港男歌星」，雖然全城噓爆，但佢攞獎攞上癮， 10年 冧莊再攞「亞太男歌星」外，仲掃多三個獎項， chok峯懶理網民嘲笑，一於有獎繼續攞。
拍板取消
意氣風發的林峯一向深得高層樂易玲疼錫，在無 綫可謂要風得風、要雨得雨，可惜去年 11月的台慶頒獎禮便出意外。
「 TVB搞全民投票其實冇諗過阿峯會輸，因為佢真係有好多 fans，點知 TVB睇少 咗班師奶，冇諗到佢 哋都會咁熱衷上網投票，卒之就俾黎耀祥三連霸！咁搞法，《勁歌》仲邊敢再玩啫！」知情人士說。
「亞太」是但頒
去年和前年的「亞太區最受歡迎男歌星」都由林峯一手包辦，不過今年峯少想要「最受歡迎男歌星」，所以「亞太」獎就要另覓人選。據知 TVB原意請小豬羅志祥到場攞獎，可惜連小豬都無意參加呢場比賽，於是 TVB只好退而求其次，請前棒棒堂成員、現為 Lollipop F的台灣四子 嚟拎獎，笑點係 Lollipop F原本來港只打算做好友範瑋琪的紅館個唱嘉賓，點知被 TVB再三請求，最終當賣個人情多個獎，唔去範範個唱囉！
據知無 綫原本有意將《勁歌》男、女歌星獎都用全民投票方式選出，林峯亦對今年男歌星獎志在必得，不過心水清的他明知用投票方式，未必贏師兄古巨基，故不斷放風指自己即將離巢，希望無 綫為挽留會「做番 啲 嘢」。結果林峯如願以償，攞獎時更風騷十足：「咁多年有機會企喺台上，未真正多謝屋企人，我諗住謝埋票，多謝咁多年支持我嘅 fans，只要有一日企喺舞台都將最好帶畀你哋。」
「阿峯攞唔到視帝嘈得好緊要，講真佢就算離開公司都大把去路，特別樂小姐真係好想佢繼續留低，咪同老闆（陳國強）傾囉，咁 啱古巨基又講明今年唔會出席頒獎禮，慣例唔 嚟冇獎，所以上頭就開聲話取消投票 嗰 part，無人核數，阿峯想點攞都得啦！」林峯今年唔貪心，只要一個歌曲獎和「最受歡迎男歌星」，比起上年得 4獎，已算收斂！
關心妍認命
林峯撲中頭獎，但「金曲金獎」亦鬥得激烈。曾經聽到「關菊英」以為自己得獎的關心妍，當晚亦憑〈失戀哲理〉有份攞「十大勁歌金曲獎」，原先傾掂的「金曲獎」卻爆大冷，由首拍 TVB劇的王菀之的另類歌〈留白〉補上。
「一個月前已經傾好『金曲獎』會畀 Jade（關心妍） 嘅〈失戀哲理〉，點知 TVB突然通知 Jade今年未畀到呢個獎佢住，因為 TVB嚟緊同東亞會有個好大 嘅合作機會，為表誠意， TVB決定畀呢個獎王菀之。最嬲係王菀之 嗰隻只係 single， Jade首歌就真係出 咗大碟喇！」知情人士說。
其實關心妍都算係黑仔王，雖然耐唔耐都有 hit歌，可惜出道 13年的她從未上到一線，就算 09年結婚後都一直拖延做人計劃，只求在樂壇上博多鋪。而唱作人王菀之由於泊到好碼頭東亞唱片，即使再冷門歌都能在各大頒獎禮上攞獎。 Jade，惟有認命！
林欣彤打針開聲
林欣彤自去年 6月開始 喺樂壇消失，原因係聲帶撕裂，後來又因壓力過大而引致抑鬱症，情緒不穩的林欣彤近半年經常出入診所，可惜未見有大進展，去年底又被雜誌影到暴瘦覆診令其病情惡化。不過無 綫頒獎禮講明唔到冇獎，故林欣彤於頒獎禮當日，先到診所打開聲針，再到電視城攞獎。歌星真係唔易做呀！
.[FACE]中頭獎 《勁歌》亂頒 林峯𢱑獎扭計成功
http://veryy8.blogspot.com/2013/01/face-face_2001.html.[FACE]中頭獎 《勁歌》亂頒 林峯𢱑獎扭計成功
http://veryy8.blogspot.com/2013/01/face-face_2001.html
