《最佳女主角》將加料 黎芷珊得獎感激前度非復合

黎芷珊以大熱姿態憑主持《最佳男主角》，奪得今年無綫頒獎禮的「最佳節目主持」獎，奪獎一刻效力近30年的芷珊喜極而泣，不過最感人莫過於在台上公開多謝前男友張達倫一直的鼓勵和支持。日前芷珊接受本報專訪，坦言得獎感言並非預告復合，只是衷心答謝男方而已，她更慨歎想旅行慶祝亦沒有伴。撰文：杜淑霞　攝影：吳君豪 場地：MM/H（皇室堡15/F）

芷珊坦言在頒獎禮前夕，一直不相信自己是大熱，「我本嚟睇好『福祿壽』，但佢哋同草蜢見到我，個個都猛恭喜我，搞到我又諗嚇係咪真係會攞，所以幻得幻失咁，好緊張。」

《最佳女主角》將加料

芷珊奪獎一刻，大家都替她高興，更感動她公開答謝前男友張達倫，但她否認兩人復合，「我只係真心想多謝佢，我係個被動嘅人，對自己無乜信心，如果唔係佢一直鼓勵我，真係唔會有《最佳男主角》呢個節目，我今次成績係佢帶畀我，我希望將來我哋可以繼續咁互相鼓勵，我會好珍惜呢份友情。」

芷珊正在秘密錄製《最佳女主角》，她雖然不肯透露訪問對象，以免出街時無驚喜，但就表示節目內容將會加料，更由半小時延長至1小時，所以暫時未有時間好好慶祝，「可以調番《東將西望》，多咗咁多工作已經好開心，等搞埋《最佳女主角》先至諗去旅行啦！況且我依家都無伴，都無乜好去啦！」

芷珊坦言得獎後，最想有機會多主持大型節目。



芷珊認為在台上感謝張達倫，只是由衷之言。

.《最佳女主角》將加料 黎芷珊得獎感激前度非復合
http://veryy8.blogspot.com/2012/12/blog-post_8190.html.《最佳女主角》將加料 黎芷珊得獎感激前度非復合
http://veryy8.blogspot.com/2012/12/blog-post_8190.html