2012年12月28日星期五

[忽然1周]林家棟似足華仔

近朱者赤，尤其係自己敬重嘅人，難怪林家棟近年喺服裝打扮方面，同華仔相似度，冇十足都有九成。

媽咪姐

林家棟似足華仔

2012年12月28日

23號下晝，媽咪姐喺港澳碼頭發現劉德華，於是諗住行埋去同華仔 say個 hi，點知行近一睇，原來係林家棟呀！

放大圖片

第日搵你做我替身先。﹙設計對白﹚

講開又講，難怪媽咪姐認錯㗎，因為林家棟真係愈嚟愈有華仔嘅影子。話說佢 01年離開無綫，喺徬徨無活路時，好彩得華仔搵佢拍戲， 09年仲打本俾佢拍《打擂台》打響名堂。直到依家，劉華幾乎開親戲，必定會有林家棟，所以家棟話華仔係佢大恩人，兩人關係已非朋友咁簡單，就如華仔為個女搞百日宴，林家棟亦係 5個圈中人之一，地位超然呀。

放大圖片