2012年12月28日星期五

末日齊開 P校長攬住阿媽過

2012年12月28日

全球關注嘅 2012年 12月 21日世界末日，撞正係冬至，話曬冬大過年，好多藝人同媽咪姐一樣，都唔會坐喺屋企等死，實行擦餐勁。

至於譚校長阿倫，就係陪 91歲媽媽度過呢個咁重要日子。

好彩末日純屬混吉得啖笑，大家死唔去，惟有努力工作吧！

阿倫不嬲鬼馬多搞作，整張扮 Kitty相同大家預祝聖誕，仲祝大家「死過翻生」。

出名孝順嘅譚校長，喺呢個「普世歡騰」嘅大日子，梗係陪 91歲仲咁精靈嘅媽媽陳珍妮撐枱腳啦!

啱啱攞完視後，楊怡心情一定比任何人都好。末日當晚，佢約埋《名媛望族》總動員開 P打邊爐兼食海鮮。打到咁㷫烚烚，唔知有冇 call謙仔嚟做柴可夫呢？

至於攞咗女配角獎嘅胡定欣話唔理係咪末日，都要食嫲嫲嘅好餸。梗係，難得老人家一個人整曬六餸一湯，有鮑魚有花膠，胡家真幸福。

向來係潛水發燒友嘅李心潔，喺末日約埋導演老公彭順去外國潛水共度末日， so sweet！

唔講唔知原來張嘉兒都係潛水發燒友，「末日」呢日，佢都去咗窺探水底世界。咦，唔知有冇問准新歡鄧健泓呢呵？