霆鋒無曬事 拉姑輕鬆與友人Shop...

2012年10月26日星期五

※拉姑（左）睇鞋時，店員向她落力推介。

※見沒有心水，拉姑拉?友人轉場再睇過。

※早前謝霆鋒接受黎芷珊訪問時，自爆有皮膚癌。

※拉姑有陪霆鋒入院做手術，反而爸爸謝賢並不知情。

※兩母子感情要好，霆鋒一有時間便會約她食飯。

※拉姑見到記者，大方停低影了張相。

霆鋒無曬事拉姑輕鬆與友人Shopping

2012年10月26日

　　日前，謝霆鋒在《最佳男主角》內自爆患皮膚癌，令母親狄波拉非常擔心，幸好做了手術後已經無事，更沒有後遺症。放下心頭大石的拉姑，早前孖住朋友到中環行番夠本，見到記者更露出「四萬」的笑容，心情靚絕。採訪：張詠森

　　當日拉姑在連卡佛現身，並主攻鞋部。只見她揀來揀去，看到眼花繚亂，之後有店員向她力Sell，更令她心大心細，都唔知試唔試好。

　　歡欣的拉姑

　　後來她把心一橫，先去其他舖頭看看有無心水先，然後再返去試。她與友人來到另一間時裝店，不過轉戰睇衫唔睇鞋。

　　揀了約15分鐘，拉姑還是不合心意，於是想返回連卡佛。此時她發現有記者影相，不但沒有露出不悅表情，當記者問她可唔可以影張相時，她更笑笑口答應，並拉?女友人一齊影，然後先再血拼過。

　　拉姑心情咁靚，除了因為霆鋒無曬事，相信是今個月是她61歲牛一，月底她會約埋成班朋友一齊吃喝玩樂，唔開心就奇喇。