2012年10月26日星期五

周汶錡男人磁石

2012年10月26日

向來甚有異性緣嘅周汶錡（ Kathy），雖然啱啱喺法國搞咗個大婚，公告天下已經名花有主，但仍然有大把異性埋身。

上周四下午，周汶錡喺一名男性友人陪同下去銅鑼灣行街街，買衫時男友人俾曬意見，唔知仲以為佢哋拍緊拖。之後 Kathy單拖諗住行去希慎廣場血拼，途中又撞到另一名男性友人，兩人非常好傾，吹水吹足 10分鐘至捨得走。周汶錡已經係人妻，但咁有男人緣，怕唔怕老外老公唔高興㗎？

周汶錡同呢位貌似張震嘅男友人喺名店坊行咗一陣，男友人唔止陪揀衫，仲同 Kathy好好傾。女嘅笑得咁甜，因住俾人誤會喎！

新婚嘅周汶錡呢日做闊太，行街買衫行足兩粒鐘，途中遇到另一位男性朋友，又忙於吹水。 Kathy仲傾到手口並用，鬼咁風騷。