主頁>娛樂圈 >娛樂追擊>通宵微信箍樊少皇 JJ：我哋一定要結婚！
早前賈曉晨（JJ）被踢爆戀上樊少皇，連帶樊「收埋」十多年的「家室」阿霞陳少霞、兩名仔女，以及他的杭州女友也被公開，令JJ蒙上了小三、小四之名。
經過連日來樊少皇開腔解釋，兼公開對JJ發表愛的宣言後，日前JJ接受本刊獨家訪問時，終於露出甜蜜笑容，但當談到二人因工作要分隔兩地，一雙眼睛又即時閃著思念的淚光。「我哋只能靠微信去維繫感情，有時甚至會傾通宵！見唔到面真係好辛苦！」有信心開花結果的JJ，表明拍拖一定會結婚生仔。
面對種種流言蜚語，兩眼含淚的JJ曾想過放棄剛萌芽的戀情，但最終克服困難，選擇與樊少皇走下去。
樊少皇接受專訪時，向JJ承諾兩人一定有將來，果然心有靈犀。
想過放棄
因為男友樊少皇的「底細」，賈曉晨被指為小三、小四，本來兩個人初萌芽的愛情，經過一輪負面報道的洗禮，竟變成了不倫之戀，JJ坦言，當日看到報道，即「巴巴」聲喊了出來！「最hurt嗰句，係話我破壞人哋家庭！完全過咗我嘅底線！我喊曬咁打畀佢（樊），問佢到底咩嘢事，我好想搞清楚。」
還記得那篇報道出街當日，她曾在娛樂新聞台的訪問中如是說：「件事曝光後我接受唔到。」她解釋，只因當時個人的思緒太混亂：「嗰幾日我好唔想見人，講每句嘢都想喊，啲人問親我，我都不知所措，我又唔可以代佢答，好似被人逼我埋牆角咁，真係有諗過放棄呢段感情！」隨著樊少皇即日發出聲明維護JJ，又公開向她發表愛的宣言後，她的心情才慢慢平靜下來。
JJ與樊少皇因為一次登台而成為交心好友，繼而發展成戀人，緣份認真奇妙！
和盤托出
JJ和樊少皇首次邂逅是在今年三月洪天明的婚宴上。「我咁啱之前一晚睇咗佢嘅《龍門飛甲》，我同佢講好好睇，但佢面都紅埋好怕醜，搞到我好唔好意思，惟有行開囉。」兩星期後，二人又跟羅家英和洪天明到湖南剪綵，才多了偈傾。
那次活動二人相識後，JJ便多了留意他的微博，當看見他發了一則蠻傷感的文章，便私信鼓勵他，「由嗰陣開始，我哋就成日用私信同微信傾偈。傾咗幾個月，大家了解差不多，打算開始拍拖，但佢幾套劇一齊拍緊冇時間，只係得我可以請到假，咁我就去內地探佢。」
JJ記得第一次去探望樊少皇時，甫見面，他便主動向她和盤托出。「佢同我講：『我真係要將我所有嘅嘢（與阿霞育有一仔一女，及跟杭州姑娘拍過四年拖）話畀你知，我哋先可以開始！』我當時心諗：唔嚟都嚟咗，你依家咁講想點呢？跟住嗰幾日我哋都冇乜嘢講。」但聽到他這些底細，沒有感到驚訝嗎？「佢講嘅時候語氣好平淡，我初初以為佢講笑，我唔識反應。講真，係有啲掙紮，唔知點面對，但之後我又諗：成件事係佢哋（樊與阿霞）嘅事，我同佢拍拖，唔代表要理埋佢嘅過去，而且我真係鍾意咗佢，佢又真係鍾意我喎！」
與樊少皇分隔兩地，JJ只好以文字及微信一解相思之苦，二人更曾試過通宵微信，相當sweet！
.[東周刊][娛樂追擊]通宵微信箍樊少皇 JJ：我哋一定要結婚！
http://hk8news-d.blogspot.com/2012/09/jj_6.html
