探熱針
速撇假富二代 DaDa嗒台灣爛茄
2012年09月06日彭浩翔新片《低俗喜劇》票房升唔停，截至本週一（九月三日），已衝破二千七百萬大關，隨時打破收二千八百萬，暫時領先成為 2012年度香港華語片票房冠軍的《春嬌與志明》紀錄。
片中女主角 DaDa陳靜，由低俗乳模成為千萬票房女星，傳聞電影合約一部接一部自動送上門，工作忙，感情生活更加忙。有指 DaDa搭上 38歲印尼餐廳太子爺蔣翹帆，當知道對方係空心老倌，犯過官非守行為後，即刻斬纜換畫。點知愈釣愈黴，上週 DaDa開放泓景臺香閨，包住台灣超級爛茄（台灣語解：奀星）王家梁（ Edison）。
新歡登堂入室， DaDa更充當伴遊，帶 Edison行街 shopping再到西貢食海鮮。之前連釣幾個金龜燕瘦環肥禿頭乜都有，確係時候搵個靚仔調劑嚇！
佐敦企街等位
上週六（九月一日）， DaDa的伴遊行動正式開始，先安排 Edison入住自置香閨泓景臺，兩人下午二時離開寓所出發到佐敦，同行還有一名女子。三人行去到永遠要等位的澳洲牛奶公司，要食到香港地道茶餐，唔怕等，其間，再有一男一女朋友加入。
食飽後，再由 DaDa帶隊，走到附近的大良八記食糖水。同 Edison並排而坐， DaDa冧樣盡出，全程做陪笑專員，非常享受同靚仔一齊自由行。
還在求學時期， Edison已是當地泰山籃球隊主將兼隊長，六呎高，生得又靚仔，經常有機會亮相台灣的綜藝節目，包括《康熙來了》等。天生一副明星臉，讀完書正式入行， Edison的星運卻沒想像中理想，不過 DaDa一樣嗒糖，食完糖水， Edison行出門口食煙， DaDa仔到露出心形眼，完全陶醉在對方的二手煙陣中。
全力釣金龜
購物時間終於開始， DaDa細心地安排了一架白色七人車，接載各人到尖沙咀 shopping勝地海港城購物。自由行指定路線， DaDa努力使出好客之道，貼身陪伴所有團友到各大名店購物，只偶然離隊睇嚇化妝品。一行人滿載而歸， DaDa再帶隊到尖沙咀碼頭海旁拍照，欣賞東方之珠黃昏景色。
「其實 Edison嚟過香港做 model，喺呢度都有好多朋友，上次嚟係今年五月，搵 咗之前做 model識落 嘅浸大 E神 Carol陪玩，佢同 DaDa其實都識 咗好耐，但都係最近先行埋。」 DaDa身邊人說。
靠剝靠露做乳模求生，有指 DaDa恨釣金龜做闊太，先後同上市公司中盈國金資源（ 766）主席梁毅文，以及九巴第五代後人雷德賢傳緋聞，最近更有報導指她搭上三十八歲印尼餐廳太子爺蔣翹帆，但全部煲無米粥，無功而回。
「 DaDa得二十三歲，玩多幾年仲得！之前傳 嗰班，又唔高大又唔靚仔， Edison就算唔紅，但外形搭夠，大家年紀又差唔多，溝通都易 啲呀！」
籃球小子
樣貌有丁點似 F4成員仔仔周渝民的王家梁，因為生得高大靚仔又好波，在籃球界儲落唔少學妹 fans，由 model轉做明星後，星運卻相當麻麻，在早前熱播的偶像劇《料理情人夢》，亦只是當三線小角色。
姓名：王家梁
英文名： Edison
出生日期： 1987年 9月 11日（ 24歲）
身高： 183cm
體重： 75kg
學歷：國立體育大學
曾演出偶像劇：《熱血青春》、《料理情人夢》、《原鄉》
齊齊返台灣
只講靚仔的話， DaDa今次對住 Edison應該好啱胃口。日對夜對依然食得落，夜晚 DaDa帶隊去西貢食海鮮，之後五人行返回泓景臺寓所，繼續玩通宵。
明明有美相伴，但 Edison在微博卻隻字不提 DaDa，大話連篇說今次香港自由行由他負責充當領隊，帶領之前在佐敦會合一起食茶餐的一男一女友人到處玩。冇句真！ Edison還把週六晚在西貢食海鮮的相片，拖延到週日才上載，混淆視聽。
本週一（三日），旅程結束， Edison同朋友坐夜機返台灣，夾 啱時間，原來稍後 DaDa都要飛台北，展開電影宣傳之旅。由香港瘟仔瘟到去台北， DaDa飽曬！
口味多元化
女人都想有個好歸宿， DaDa亦唔例外，但後生女口味五時花六時變，早期對象有歌星有奀星，之後轉口味攻打成熟金龜，仲未定性！
歌星仔
未入行做低俗胸模， DaDa已經同男子組合 Square成員 Gary拍拖，兩人一度分手再翻撻，結果都係各行各路。
有錢仔
出身富貴但鍾意做明星 嘅王宗堯，大方公開同 DaDa戀情，難得釣到靚仔富二代，但拍拖一年多便分手。
三打七
被拍得同無 綫三打七李雨陽同遊澳門，當時 DaDa暗寸男方放料俾記者偷拍，緋聞之後亦無疾而終。
戀父狂
被發現與上市公司中盈國金資源（ 766）主席梁毅文撐 枱腳，男方已經五十一歲，做得 DaDa老豆。
偷窺狂
有指 DaDa經理人施念慈做媒人，介紹認識曾在卡拉 OK女廁偷窺，被控遊蕩罪成 嘅九巴第五代後人雷德賢，兩人低調拍拖，但遭 DaDa否認。
.[壹週刊]速撇假富二代 DaDa嗒台灣爛茄
http://hk8news-d.blogspot.com/2012/09/dada.html
