同你吟一吟
星爸星媽開學日 蝦餃仔冇扭計
2012年09月06日國民教育令到唔少香港家長好頭痛，不過對於圈中星爸星媽影響唔大，事關佢哋啲仔仔囡囡大部分都係讀國際學校。
9月 3日開學，今年讀低班 嘅「蝦餃仔」，由天後媽咪 Kelly湊放學。新學期新形象，自出娘胎， Kelly一直係「蝦餃仔」私人髮型師，但開學前， Kelly終於破例搵 咗自己禦用髮型師 George Shum幫仔仔剪頭髮，雖然髮型變化唔大，但望落明顯專業得多。
舊年讀 BB班，「蝦餃仔」由返學喊到放學，今年做 咗哥哥大個仔，返學終於冇扭計，就算一籮記者哥哥姐姐一齊湊佢放學，都只係扁 咗一陣嘴，算好乖！
至於星爸代表，有任賢齊。小齊四歲細仔 Cody就讀 嘅新加坡國際學校，比其他學校早成個禮拜開學，上個禮拜四（八月三十日）小齊做湊仔公接放學，仲同校內其他啲小朋友傾曬偈，嘩，隔幾十代都溝通到，掂！
.[壹週刊]星爸星媽開學日 蝦餃仔冇扭計
http://hk8news-d.blogspot.com/2012/09/blog-post_7934.html
