同你吟一吟
餘文樂囂爆長沙
2012年09月13日星期日（九月九日），《第 26屆中國電視金鷹獎暨第九屆中國金鷹電視藝術節》 響長沙開壇，當地電視台全程直擊，更派出採訪隊到機場做直播，恭候提名藝人同頒獎嘉賓，第一時間埋身訪問。
出道以來只係拍過一部國產電視劇《玲瓏局》 嘅餘文樂，獲大會邀請做頒獎嘉賓。活動當日中午餘文樂飛抵長沙，一行出閘，就俾電視台攝影機同現場記者係咁影，唔知係大會冇事先通知，定係嫌自己鬚未剃個樣又殘唔靚仔，見到鏡頭第一時間擰歪面，之後俾女主持捉住訪問，問佢 嚟頒咩獎？有咩心水得獎人？全部縮膊乜都話唔知！
由於訪問係直播，有觀眾見到上網站留言話餘文樂態度差， 響直播室睇見整個過程 嘅湖南電視首席主持人邱啟明，都忍唔住公開鬧。
知道衰 咗，樂仔之後 響微博兜個圈同 fans講話自己狀態唔好，為自己黑面解畫。有曬黑面片為證，講咩都冇用啦！
.[壹週刊]餘文樂囂爆長沙
http://hk8news-d.blogspot.com/2012/09/blog-post_5270.html
