街市開餐
林峯陪吳千語食大牌檔
2012年09月13日林峯與吳千語合作新片《男人如衣服》撻著後，感情一日千里，即使途中殺出「翻版陳法拉」盛君想分一份，依然無礙二人發展。本刊早前更影到做唔成第三者的盛君，陪林峯、吳千語齊齊到大牌檔開餐，大方三人行。
肯定身份
為了林峯，吳千語撇甩拍拖多年的男友、王愛倫兒子 Derek後，與搭上四個月的林峯發展漸見穩定，峯少更罕有地對身邊朋友肯定對方的女友身份。
拍拖開工，林峯與吳千語為黃百鳴投資的新片在大嶼山開工一個月，日見夜見感情突飛猛進。
「 Karena乜都笑一餐，好易感染身邊 嘅人，林峯 喺片場唔多出聲，但每次有 Karena喺度，佢都好好笑容，即使兩個人都有避忌，但明眼人都知發生咩事。」現場工作人員透露。
忽然收手
林峯女人緣旺，同片有份的「翻版陳法拉」盛君，原本對他亦食指大動，一度主動示好，但最近卻忽然收手。
「於波（林峯的老友）之前已經識得盛君，知道個女仔本身都幾乖，私底下同過佢講林峯唔 啱佢 嘅，舂個頭埋去會出事，俾人話第三者更加唔著數，盛君當於波係自己大佬咁，對佢嘅意見都好接受。」
街市坐房
早前本刊拍到林峯空降北角街市，陪女友吳千語踎大牌檔。
「都唔可以話全部因為 Karena嘅， 喺大陸拍緊劇 嘅於波特登 嚟香港搵林峯食飯， Karena提議食大牌檔，盛君都喺度， 嗰晚林峯要返電視城拍宣傳片，所以成十點鐘先到。」知情者說。
有貴客到！食肆特別安排坐入位置隱蔽的貴賓房，若非林峯人有三急，亦難以發現。
雖然知有記者，林峯破例沒有選擇前後腳離開，飯後與吳千語等人一齊離開，雖然沒有親自送女友返屋企，但如此大方，也屬罕見。
同杏兒傳緋聞
畢業於北京電影學院的內地演員於波，與姚晨等為同班同學．拍劇為主，近年參與電影拍攝，包括去年由於仁泰執導的《忠烈楊家將》，他與林峯、鄭伊健等港星熟絡，今年六月與胡杏兒合作內地劇《辣媽俏爸》，曾因公開讚杏兒而傳出介入她和黃宗澤的感情。
.[壹週刊]林峯陪吳千語食大牌檔
http://hk8news-d.blogspot.com/2012/09/blog-post_4575.html
