http://hk8news-d.blogspot.com/2012/08/jj_31.html.
樊少皇公開愛的宣言：我真係好愛賈曉晨（JJ）
樊少皇暗示想娶賈曉晨
愛的宣言派定心丸
樊少皇自與賈曉晨（JJ）的戀情曝光後，被揭跟前度女友育有一對子女，又有杭州女友，令JJ被冠以「小三」、「小四」稱號，但JJ仍勇敢去愛。樊少皇亦向JJ大派定心丸，公開發表愛的宣言：「我的愛是堅定的，我哋會繼續走落去。」他更暗示有迎娶JJ計劃，「遲啲你就知！」
相信子女接受女友
身在青島拍戲的樊少皇，昨晚接受無綫娛樂新聞台訪問。他心痛JJ被叫「小三」、「小四」，覺得對她不公平，已設法 她。他表示之前在聲明中已表明曾有內地女友，但分手弄清楚關係才跟JJ一起。他解釋一直沒公開有子女，是希望他們能正常健康地成長，不要受追訪，而多年來亦很照顧他們。他跟兒子關係很好，相信會接受JJ。他自言沒想到爆出與JJ的戀情如此轟烈，全中國都知。說到JJ想結婚，會否有計劃？他即笑笑口說：「遲啲你就知！」
有「地溝」問題
他與JJ雖然年齡相差近10年，但沒有代溝，反而JJ來港工作多年，他則多留在內地，有「地溝」（地區性溝通）問題。不過，他真的很鍾意JJ，她心地好，第一眼已有感覺。對於JJ的勇敢宣言，他表示好感動，遺憾分隔兩地暫時未能見面。他亦有愛的宣言：「我的愛是堅定的，我哋會繼續走落去。」
青島獨家專訪 愧對仔女 樊少皇：我真係好愛JJ
樊少皇被踢爆早已有「妻」有兒，慘令新女友JJ（賈曉晨）變成「小三」，雖然他已即時發聲明為JJ澄清，但負面新聞依然不絕。昨日，一直在青島為新劇《盛夏晚晴天》開工的少皇終接受本報記者獨家專訪，強調跟前女友阿霞已分手多時，雖然返港同住一屋，但同屋不同牀，並一直有照顧對方及兩名子女，提到怕事件影響子女成長，他更忍不住落淚。對於JJ被指為第四者，他再三澄清跟前女友分開才跟杭州女友拍拖，而跟杭州女友亦已在年初分手，以往的感情瓜葛亦早已跟JJ交代清楚，他更有信心可以跟JJ有美好將來。採訪：杜淑霞、畢紹基
昨日少皇在酒店接受本報專訪，談到跟阿霞認識始於95年，當時透過朋友介紹，不久便拍拖，後來更意外懷孕，「因為阿爸好反對我拍拖，認為會影響事業，所以一直瞞住佢，連有咗BB都唔敢同佢講，直到BB出世先話畀佢知，佢當然好嬲，認為我咩前途都無曬，因為佢一直希望我可以成為武打巨星，可以走偶像路線，既然屋企咁反對，嗰時我同阿霞都無打算結婚。」
生仔為同老父鬥氣
01年阿霞再為少皇誕下細仔，少皇坦言該次不是意外，「我嗰時真係有啲同屋企人鬥氣，阿爸講嘅說話令到我好唔開心，既然佢咁唔鍾意我有小朋友，我就生多個，加上嗰陣係自己事業低潮，我知道咁諗係好唔成熟，亦都唔應該將生命當成鬥氣工具，所以我一直覺得好對小朋友唔住，覺得好內疚。」說到這裏，少皇終忍不住流下男兒淚。「嗰陣無諗結婚，除咗父母反對外，亦因為父母咁多年都係無結婚，阿爸亦都好大男人，佢同阿媽相處都唔係咁開心，所以我一直對婚姻都無信心，阿爸成日講一紙婚書代表啲咩，所以我真係無諗過，可以話係有婚姻恐懼症。」
少皇跟阿霞的同居關係一直維持到07年，最後因為阿霞跟母親因錢銀問題而鬧翻，加上多年來分歧愈來愈大，最後由少皇正式提出分手，「最主要係我對佢真係無曬感情，但係我一直有照顧佢同兩個小朋友嘅生活費，租咗黃埔花園一個八百呎單位畀佢哋住，亦都買咗架車畀佢哋，有咩經濟上嘅需要，都會盡量滿足。我返香港為咗爭取時間見對仔女，都會返去住，但係我係瞓廳，如果咁樣令到其他人誤會，我承認自己真係處理得唔好。」
坦承處理感情有問題
08年少皇跟一名杭州姑娘拍拖，兩人感情維持了4年至年初分手，原因都離不開結婚問題，到今年3月，少皇於洪天明的婚禮上才認識JJ，之後再一起登台後才正式發展，「一齊登台之後，經常有電話聯絡，慢慢先發展出感情，所以報道出街前，我哋先開始咗個幾月，所以佢絕對唔係第三者，更加無可能係第四者，我同JJ同埋杭州個女朋友，都有對佢哋交待同阿霞嘅關係，且有兩個小朋友，絕對無呃佢哋。」
愛JJ義無反顧
對於跟JJ的一段情，剛萌芽便出現危機，少皇認為反而令這段情更堅固，「唔好睇我咁大隻，其實我係個優柔寡斷嘅人，處理感情問題好差，如果唔係都唔會搞成咁，相反JJ好似好柔弱，其實佢係個好堅強同勇敢嘅女仔，所以我地可互補不足，發生呢件事後，我發覺自己真係好鍾意佢，佢一直咁支持我，我真係好感動，我真係有諗過同佢有將來，雖然我有婚姻恐懼，但係為咗佢我真係會諗結婚。」對於事件傷害了不少人，少皇坦承全是自己問題，就算被外界指為賤男，他亦無怨言，「件事一直喺我心裏面十幾年，好似計時炸彈，o依家公開咗我真係鬆一口氣，就算大家要當我係賤男都無辦法，我以後會努力做好自己，希望大家會再畀機會我。」
