http://hk8news-d.blogspot.com/2012/08/1_9577.html.
大封面
接叢培崑棒 陳志雲新寵商台插旗
2012年08月31日
因為密友叢培崑，捲入貪汙案的陳志雲，去年 9月獲判無罪以為甩難，點知今年 4月律政司再上訴，擺明仲有手尾跟。
陳志雲離職無 綫後，今年入主商台再戰江湖。而一向政治手腕強勁的志雲，更安插記者出身的男密友梁泰來（ Terry），入商台主理外事部兼開咪。為捧愛將，陳志雲踢走查小欣，將《巴巴閉邊個夠我查篤撐》改為新節目《 1圈圈》，由 Terry孖吳綺莉主持。
Terry由記者躍升商台對外事務總監，亦突然富貴，更與陳志雲戴埋同款卡地亞鑽錶，關係非比尋常。
志雲入主商台後，掀起一輪大換血的腥風血雨。昔日商台老將林曉峰、查小欣相繼離開，就連內部都大執位。志雲亦急急在商台搵自己友插旗。他先將密友 Terry（梁泰來）安插在內，為他招兵買馬，鞏固勢力。
加插新職位
陳志雲 2月甫入商台，未幾便為 Terry破天荒增設新職位——「策略發展/主持」，專責與自己一起商談節目內容。今年七月，商台公關部主管 Amy離職後，陳志雲更將 Terry調入公關部，擔任「對外事務總監」一職，掌管整個公關部，把對外發言的機器掌握在自己手裏。雖然 Terry任職記者多年，與各傳媒關係友好，但商台員工對陳志雲「空降」新貴的行為，議論紛紛，但因為陳志雲位高權重，冇人敢出聲。
Terry掌管外事部之後，志雲更部署讓他踩入 DJ行列，做節目主持。志雲安排 Terry在深夜節目《大龍鳳》中學習幕後工作，小試牛刀，務求令 Terry盡快熟習節目運作。 6月，由 Terry直接傾吳綺莉入商台。萬事俱備後，志雲為幫愛將上位，不惜踢走長達十五年由查小欣主持的《巴巴閉邊個夠我查篤撐》節目，改由 Terry及吳綺莉做主持新節目《 1圈圈》，並於 8月 27日開咪。
Terry坐主家席
本周日（ 26日）的商台 53周年晚宴，陳志雲、吳綺莉、查小欣及 Terry均有出席。席間， Terry陪志雲滿場飛，更有份坐主家席，而棄將查小欣就被安排坐普通位，邊個係主場，一目了然。
被叮走的查小欣， 9月轉投無 綫做清談節目《吹水俱樂部》。對於被資歷較淺的 Terry及吳綺莉取代，她死撐說：「佢 哋有唔同 嘅 style，陳生（陳志雲）都講我係佢 嘅愛將。（ Terry坐主家席，你冇份喎？）坐主家席都係管理層， Terry至係管理層，我係藝人。我行走江湖咁多年，有乜未見過！」
陳志雲一向愛才，陳鍵鋒、崔建邦便得他一手提攜。
除藝人外，幕後較出名的「愛將」，近年非叢培崑及 Terry莫屬。
緣定志雲飯局
Terry與陳志雲其實已暗交六年， 06年 TVB推出《志雲飯局》，因節目在雜誌刊登文字版，而當時 Terry是採訪《志雲飯局》的記者，兩人一見如故。
「當年若派另一位記者代 Terry採訪《志雲飯局》，陳志雲便會緊張問：『 Terry點解唔 嚟？』由於佢兩個關係太密切，行家都叫 Terry做『陳志雲禦用記者』。 Terry份人好識做，把口又啷過油。佢最叻打『人情牌』，好似鄺美雲就係透過 Terry認識陳志雲，所以新節目《 1圈圈》亦有鄺美雲份。」知情者說。
叢培崑阻攝位
多年來，陳志雲身邊都有不少同性好友，最經典的當然有王喜為他遮風擋雨，還有搞到陳志雲一身蟻的叢培崑。當年 Terry本來甚得陳志雲歡心，不過中間卻夾住個叢培崑從中作梗，所以他一直未能攝位。不過，自從貪汙案發生後，志雲與叢培崑的關係已大不如前，而 Terry亦因為工作關係，近日與志雲日夕相對，兩人感情亦一日千里。
由記者躍身商台高層的 Terry，突然富貴，不但由昔日西環舊樓，搬到天後月租萬八蚊的凱旋大廈居住，更身光頸靚。他早前出席《 1圈圈》宣傳活動期間，竟無獨有偶與陳志雲齊齊戴上同款的卡地亞鑽錶，兩人關係不言而喻。
「 Terry係志雲 嘅新寵，成個電台都知。佢兩個成日一齊出去開會、食飯，有時仲齊齊落吧傾心事。志雲好睇佢，開會 嗰陣佢 嘅橋，志雲好 buy，咩都話 good。而 Terry同志雲志趣相投，一樣咁貪靚。 Terry好注重自己 嘅 body，每星期都做三次 gym。有次有同事問佢係咪肥 咗？佢即刻好大反應話︰『我大隻咋！肥同大隻係兩樣 嘢 嚟！』」知情者說。
直認志雲睇起
問到與新寵關係，身經百戰的陳志雲不斷帶記者遊花園。
記︰點解會重用 Terry掌管公關部？
陳︰佢係記者出身，識得好多人。
記︰佢喺電台資歷淺。
陳︰公關部本來係 Amy打理，佢離 咗職，臨時臨急好難搵人，咁 Terry都入咗商台幾個月，我叫佢幫手，主要幫未有人管嘅工作，如策略性工作，佢係兼任。
記︰既然係兼任，會唔會搵人返嚟？
陳︰睇佢做得吃唔吃力先，至今都係一個月。
記︰陳生，你俾好高人工佢？ Terry戴四十幾萬嘅鑽錶？
陳︰佢 嗰隻閃令令 嘅錶，喺我未入商台前見過，可能《明報周刊》高人工。（你都有隻同款 嘅 Cartier喎！）我係有，不過我無考究佢 嗰隻係咪 Cartier。商台從來都唔會高薪挖角。
記︰你空降 Terry入商台，驚唔驚俾人覺得係叢培崑翻版？
陳︰我知道你 哋想做乜，總之唔係咁。外界 嘅揣測。唔係咁 嘅。
對於獲陳志雲力捧， Terry不諱言：「係佢（指陳志雲）揀我 嘅（指做《 1圈圈》主持），我都係七月至知要做新節目。（搵你取代查小欣？）我何德何能！」
再問到與志雲戴同款錶，他甚避忌說︰「我同鄺美雲小姐一齊去買嘅。（幾時買？）私人 嘢唔答。（陳志雲有隻同款嘅！）唔知道佢有乜嘢錶。」
一朝天子一朝臣， Terry得陳總帶挈，成為商台迷雲黨頭號人馬，齊齊打江山，前途一片光明！
同性密友多
多年來陳志雲和不少助手、朋友及藝人關係甚佳，親密關係更浮面。
愛將有出路
陳志雲入主商台後，大肆改革，昔日在商台絕跡的面孔，也因陳志雲而在商台出現，為商台帶來不少新面孔。
李克勤
一向與商台關係欠佳的李克勤，周日一落飛機便趕往商台 53周年晚宴，而且更有份企中間位影大合照。被問及是否為獎項鋪路，克勤則說：「遲 啲先算。」
何國鉦、鄺美雲
兩人因 Terry的關係而認識陳志雲，鄺美雲與陳志雲因信佛及食齋而更加投緣，兩人出書舉行簽名會時，均有出席對方的簽名會撐場。而近日何國鉦亦多次出席商台活動，以表支持。
馬浚偉
一向公開力讚陳志雲實事求是的馬浚偉，在陳志雲入主商台後，已被邀請接受《查篤撐》的訪問，陳志雲更現身錄音室以表支持。
