http://hk8news-d.blogspot.com/2012/08/1_9363.html.
媽咪姐
旺角淪陷 劉華落區
2012年08月31日
行行嚇旺角都撞到大明星嘅感覺係點嘅呢？咪就係，嘩嘩嘩嘩嘩，華仔呀劉華呀劉德華呀！忍唔住大嗌一輪，然後「嗱嗱聲」攞部電話、相機出嚟狂影啦。就呢個星期一（ 27日）之嘛，媽咪姐喺旺角 shopping，忽然見到劉華個頭喺前方「湧」現！點解用個「湧」字呢，事關拍緊杜琪峯新片《盲俠》嘅佢，幾乎俾「自由行」、街坊同記者組成嘅人浪淹沒，寸步難行，場面墟冚程度，仲勁過梁振英落區做騷！
不過，劉華見慣風浪，無俾人逼親之餘，仲幫手維持秩序，太平紳士係唔同啲！
而同場但同劉華無對手戲嘅鄭秀文（ Sammi）呢，一樣俾人圍。佢喺旺角一條橫街嘅小食店前拍戲，熱到身水身汗，仲要拎住幾袋「老麥」衝出重圍喎！睇佢面容扭曲嘅誇張表情，令媽咪姐諗起佢同杜琪峯、劉華 00年第一次合作嘅《孤男寡女》呀！計起嚟，由《孤男寡女》、《瘦身男女》到《龍鳳鬥》，呢個鐵三角陣容次次都贏曬，票房收 3、 4千萬閒閒哋。今次第 4度合作又點呢？睇嚇啲人潮， no problem啦！
Sammi做阿四
劇情講幫劉華查案嘅鄭秀文，攞住好多袋「麥記」喺旺角街頭急急行搵人，你睇 Sammi個樣幾 high，勁專業！兩 take搞掂。
杜 sir雪茄不離手
