2012年8月24日星期五

綾瀨遙　幹物女逛超市

2012年08月24日

分咗手嘅綾瀨遙同大澤隆夫，先後俾人發現各自搵食。 3號晚，綾瀨遙以黑色鬆身連身裙、口罩、眼鏡形單影隻出現喺超市，買咗一人份嘅刺身、送酒用嘅枝豆。當佢買到一份限時減價雞肉時，顯得好開心㖭。不過觀乎遙妹當晚嗰身打扮，名副其實幹物女呀！

佢嘅前度男友大澤隆夫呢，則喺 7月 30號晚，一條冷喺餐廳醫肚，好彩有奧運睇，先至冇咁孤獨。

30/7

大澤隆夫一條冷喺餐廳獨食，不過佢邊食邊睇奧運直播，仲同老闆娘討論「戰情」，嘆足成粒鐘先走人（右），睇嚟心情冇受分手影響噃。

2010年 27歲嘅綾瀨遙拍《仁醫》時同 44歲大澤隆夫撻著， 2011年尾兩人宣布分手。係咪有啲兒戲呢？