2013年2月14日 星期四

[FACE]小生外向 放生拍大陸劇 陳豪講掂數天價續約

今次有老婆本啦!設計對白 <br><br>被譽為筍盤的陳豪形象好,在香港獲不少廣告客戶垂青,是 TVB少數有廣告收入的男藝人,無綫當然重金挽留。


真面目

小生外向 放生拍大陸劇 陳豪講掂數天價續約

2013年02月13日

內地拍劇搵錢易,鄭嘉穎憑《步步驚心》翻生再爆紅係最佳例子,甚至連在香港唔多撈得起嘅吳卓羲亦有強國市場,小生排住隊北上掘金。

而最近同無綫傾續約的陳豪,當然唔會放過內地塊大肥肉,碰巧無綫小生荒,據知大把本錢在手的陳豪已同 TVB傾掂數,除了獲答應優先返內地拓財路外,亦得 TVB天價挽留,陳豪蛇年等住發大財啦!

一向吸金力甚強的陳豪,形象好兼甚得廣告商寵愛,但喺香港搵錢點都唔夠內地掘人仔化算,但在 TVB 12年的他,竟未拍過內地劇,為此陳豪曾開曬口話:「我唔介意片酬幾多,都想返內地試嚇拍劇!」

放大圖片

年頭憑《天與地》主題曲〈年少無知〉獲得商台我最喜愛歌曲大獎,但可惜《天與地》冇得喺內地播,無助陳豪返內地搵錢!《蘋果日報》圖片

放大圖片

今年大劇《金枝 II》拉隊到橫店拍攝,但有傳因監製戚其義離開 TVB,令該劇遭急凍,上映無期。

中港合搞「 TVBC」

放大圖片

’10峯哥頭炮《摘星之旅》

無綫已跟內地傳媒機構上海文廣新聞傳媒集團合資新公司「 TVBC」,由無綫提供劇本及演員,「組團」北上拍劇,並由樂易玲揸旗管理藝人北上事宜兼選擇劇本。其實 10年由林峯擔正的《摘星之旅》,已是兩地電視台的首次合作產品,今年亦會再開拍劇集,陳豪等住入強國屋。

頂薪留人

放大圖片

陳豪想北上,但早前他在《叱吒》慶功宴上以普通話接受訪問時,卻被網友批評為超爛,仲差過古天樂,睇嚟陳豪都要惡補嚇。

將於今年中約滿的 42歲陳豪有要求,欠缺當家小生的無綫當然要盡量配合,據知已落實跟內地「上海文廣新聞傳媒集團」合作拍劇的無綫,已答允會優先推陳豪做男一。據知情人士透露:「其實過去幾年都有好多人搵 Moses(陳豪)拍內地劇,不過無綫都推咗,一來價錢傾唔掂,二來陳豪要留喺香港幫無綫拍劇,其實 Moses自己都好心急開拓內地市場,所以咪借今次傾續約同無綫拗數囉!」

無綫除了放生陳豪外,亦一改作風出動銀彈攻勢打動陳豪留低,每集價錢已經拍住林峯的 8萬蚊,雖然比起內地拍劇的身價仍有一段距離,但此價對無綫合約藝員來說已幾乎係頂薪。

知情人士續說:「 Moses今次除咗拍劇有得加人工外,甚至連外面廣告同商場騷抽傭都有得傾,講真無綫好少咁大方, Moses可以話食正無綫等人用條水囉!」無綫開曬綠燈,據知陳豪亦已答允續約留效,咁咪雙贏囉!

吳卓羲扭計放大假

放大圖片

陳豪獲無綫優待,據知另一小生吳卓羲亦乘機扭計,曾有傳獲內地電影公司「海潤影視」出 600萬包薪的吳卓羲,為了爭取更優厚續約條件,自稱「好攰、好耐冇放過大假」的吳卓羲,亦忽然向 TVB請假至 3月尾,連一早預佢主演的重頭劇《食為奴》亦推辭,臨急改由王祖藍的《老表》班底孭飛,《食為奴》監製 黃偉聲亦承認:「吳卓羲要放大假到三月尾,配合唔到檔期!」不過同遮唔同柄,吳卓羲因住扭出禍喎!

今次有老婆本啦!設計對白 <br><br>被譽為筍盤的陳豪形象好,在香港獲不少廣告客戶垂青,是 TVB少數有廣告收入的男藝人,無綫當然重金挽留。
放大圖片

吳卓羲跟徐子珊主演的情人節檔新劇《戀愛季節》週一( 11日)首播,週五( 8日)全體演員為該劇宣傳,不過同為男主角的馬國明,現場有大堆師奶 fans搵佢簽名,反而放假中抽身宣傳的羲哥就冇人理,邊個入屋一睇就知!

放大圖片

去年吳卓羲得兩套劇出街,年頭套《缺宅男女》彈起關二哥梁烈唯,到台慶劇《名媛望族》則彈起咗被劉松仁掌摑嘅王浩信,賣點都輪唔到羲哥。

放大圖片

《忽然 1周》圖片

除了《戀愛季節》外,吳卓羲還有一套《衝上雲霄 II》等住上,可惜拍攝期間有指佢掛住溝女兼同人妻梁靖琪鴛鴦戲水,令形象再急轉直下。

TVB小生強國吃香

個個男星都話要返內地拍劇,只因拍強國劇除了準時收工,唔使夜接日捱到斷氣外,連片酬都好過喺 TVB多多聲,留喺 TVB為 keep住人氣啫!

今次有老婆本啦!設計對白 <br><br>被譽為筍盤的陳豪形象好,在香港獲不少廣告客戶垂青,是 TVB少數有廣告收入的男藝人,無綫當然重金挽留。

鄭嘉穎 50萬一集

放大圖片

網上圖片

拍完《步步驚心》後,「男二」鄭視帝喺內地忽然爆紅,除了連環接拍多套劇集,如大製作《英雄》和愛情劇《萬水千山風雨情》外,最近更有傳接拍《葉問》電視版的鄭嘉穎,身價已急升至 50萬人仔一集(約 62萬港幣),好過喺 TVB捱騾仔多多聲。

林峯 30萬一集

放大圖片

網上圖片

貴為 TVB親生仔,林峯接拍的內地劇不算多,但在 TVB力穀下,有傳他去年以 30萬人仔一集(約 37萬港幣),接拍由葉璿投資的古裝片《紫釵奇緣》。

黃宗澤 30萬一集

放大圖片

網上圖片

近年積極開發內地市場的 黃宗澤,去年連拍兩套內地劇,除了跟前女友胡杏兒合拍的《跑馬場》外,還有再次擔正男一的愛情劇《麵包樹上的女人》,而現於內地拍攝中的古裝劇《少年神探狄仁傑》,據知擔正價已提升至 30萬人仔一集(約 37港幣),叫價拍得住林峯。

吳卓羲 15萬一集

放大圖片

09年於內地劇《大丫鬟》做奸女婿而備受好評,但可惜之後兩套作品《歡樂主帥》和《格子間女人》都不太受注目,加上羲哥掛住溝女形象差,所以每集叫價只維持約 15萬人仔一集(約 18萬港幣)。



.[FACE]小生外向 放生拍大陸劇 陳豪講掂數天價續約
http://veryy8.blogspot.com/2013/02/face-face_14.html
.[FACE]小生外向 放生拍大陸劇 陳豪講掂數天價續約
http://veryy8.blogspot.com/2013/02/face-face_14.html