2013年2月14日 星期四

[FACE]蛇 B大曬 避小產唔出城 蔡少芬佗巨 B 6月行花市心火盛

張晉服侍皇後公主 <br><br>蔡少芬舉起食指眼睥睥,連八嚿腹肌的張晉亦被嚇窒,一臉驚恐望住老婆。


真面目

蛇 B大曬 避小產唔出城 蔡少芬佗巨 B 6月行花市心火盛

2013年02月13日

懷第二胎 6個月的 39歲蔡少芬,多得內地電視劇《甄嬛傳》帶挈工作量大增,大住肚都要中港兩邊飛。去年 10月曾一度胎盤撕裂,下體大量出血,幸好蔡少芬與腹中胎兒均無大礙,母子平安。

見過鬼怕黑,入院休養了兩星期後,蔡少芬每次外出都格外小心,大部分時間亦要因《一代宗師》成名的老公張晉傍實。雖然未到預產期,但據知蔡少芬已決定新年期間停工安胎,一家人留港過年。週四( 7日),蔡少芬把握機會出街辦年貨,其間作嘔,更行到面 燶 燶要老公 氹番。佗 B佗到咁好火,張晉幾好打都要焗忍!


身為虔誠基督徒的蔡少芬,去年 12月在佈道會上講見證,親證佗第二胎期間一度作小產。「當時我佗緊兩個幾月,我帶住楚兒一齊坐飛機,點知上飛機後覺得好唔舒服, feel到我下體 啲血流到叭叭聲,當時我覺得好暈,好擔心個 B就咁冇 咗!」後來證實是胎盤撕裂,要立即住院兩星期。

放大圖片

餵到埋口

對住楚兒,蔡少芬即變回慈母,親手餵女兒食魚蛋。

放大圖片

大肚婆情緒易波動,發完脾氣又冇事的蔡少芬,溫柔地餵孭緊楚兒嘅老公食棉花糖,一家三口非常溫馨。

放大圖片

爛賭媽冇兩句

《蘋果日報》圖片

放大圖片

蔡少芬母親(中)曾因爛賭欠下巨債,要蔡少芬幫手還,去年亦被拍到流連賭場。當日兩公婆甚少與蔡母交流,老人家最多都係撩乖孫玩。

人迫黑面

有驚無險,蔡少芬其後繼續接 job,但一定要經理人或老公相陪。週四年廿七( 7日),蔡少芬再次出動,挺住巨肚出街買年花。下午 5點幾,張晉車埋老婆同兩歲大女楚兒,由元朗錦綉花園出發,中途接埋爛賭外母黃素梅,一家五口到鄰近花場睇花。

行了幾個圈都唔 啱心水,張晉轉場到元朗橫洲花市再睇。當日素顏的蔡少芬,最初推住楚兒同老公睇蘭花,可能人多擠迫,蔡少芬行了一陣已面黑黑唔耐煩,經常手指指發表偉論,而張晉就頭耷耷唔出聲,連芬媽都唔敢多口搭嘴,氣氛緊張。

放大圖片

現巨肚

週五下午約 3時,蔡少芬與張晉到金鐘辦理證件,見到記者即時笑笑口,心情大靚。

放大圖片

新年快樂!(真實對白)

全程安全至上坐後座的蔡少芬,等車期間凸出 6個月巨肚,腹中 BB快高「長大」。

留港安胎

放大圖片

憑《一代宗師》馬三一角彈起,張晉早前拍埋 MV準備出碟殺入樂壇,現時亦傾緊幾部電影,長拍長有。

大肚婆易心火盛,好在亦快平伏。發完小脾氣,蔡少芬又回復慈母 look,不斷撩楚兒玩,又買魚蛋餵女,再餵老公食棉花糖,同幾分鐘前的河東獅吼直頭兩個樣。

據知近月不停四圍飛搵奶粉錢的蔡少芬,將會與家人留港過年,柏林影展正在德國舉行,張晉亦犧牲了為開幕電影《一代宗師》行紅地氈的機會,寧願陪老婆在家安胎。

停工小休,蔡少芬週五( 8日)與老公去金鐘辦旅遊證件時,亦承認會留港度歲,「(新年會唔會去玩?)唔去喇,唔去喇,多謝你哋!(預產期幾時?)唔講喇!新年快樂!辛苦曬!」

自爆佗女

曾經因胎盤撕裂引致下體大量出血的蔡少芬,月前做見證時,除了親述作小產的痛楚外,更忍唔住自爆今胎又係女,「我照超聲波嗰陣,見到個 BB成個跳起,嚇到我係咁喊,唔知 BB有冇事,醫生就話:『 BB,你跳多 啲鬱多 啲,你媽咪好驚。』……我個女呀,你嚇死媽咪啦!」佗得咁驚險,難怪蔡少芬都話生埋呢個收爐啦!

放大圖片

買完西餅,蔡少芬佗住 6個月 B一臉倦容,要一路行一路托住個巨肚,見到都戥佢辛苦!

放大圖片

一度因胎盤撕裂要入院的蔡少芬,痛到要聞「笑氣」止痛。



.[FACE]蛇 B大曬 避小產唔出城 蔡少芬佗巨 B 6月行花市心火盛
http://veryy8.blogspot.com/2013/02/face-b-b-6-face.html
.[FACE]蛇 B大曬 避小產唔出城 蔡少芬佗巨 B 6月行花市心火盛
http://veryy8.blogspot.com/2013/02/face-b-b-6-face.html