2013年2月14日 星期四

[壹週刊]買唔停手 劉以達 儲物狂夫婦

儲開日本 figures的他,轉改支持本地創作,香港「 Hot Toys」老闆在去年送了三個樣貌造型精細的荷李活電影人物 figures給他。


探熱針

買唔停手 劉以達 儲物狂夫婦

2013年02月14日

四十九歲的劉以達,二月尾將會同大班圈中好友,開 party慶祝他與老婆 Anges結婚十五周年紀念。雖被取笑美女與野獸組合,實情兩公婆嗜好一致,位於大埔林村七百呎愛巢,老公愛儲蝙蝠俠 figures,老婆鍾情色彩繽紛歐洲小擺設,全屋每個角落擺滿心頭好,儲物成狂夫婦,天造地設。

各據山頭

劉以達去年兩度搞達明復合演唱會,推出個人新碟《希望之旅》,馬不停蹄到內地及台灣宣傳,再度活躍樂壇。趁今年同太太 Anges結婚十五周年,阿達希望大搞一鑊,彌補當年被指到深井燒鵝酒家 cheap娶靚老婆的不足。

能夠風雨同路,兩公婆同聲同氣是其中的關鍵。在大埔林村的愛巢,由客廳伸延到阿達的造歌音樂房,放滿他最愛的蝙蝠俠 figures、模型車以及近百個外國電影 figure公仔。至於達嫂,則霸佔了整個飯廳及走廊位,放滿四圍收集得來的歐洲公仔及微型公仔屋。

「我十幾歲開始儲 figure,只係無而家咁癲。但其實我老婆儲 嘢仲多過我,每次出街,見到靚 figure我仲喺度十五十六,佢就會話:『買啦,靚呀!』係佢導我升仙。」用掃幫公仔做清潔的阿達說。

各玩各

放大圖片

達嫂儲歐洲公仔,這個可著燈、有五十首音樂的旋轉木馬,達嫂說是有次老公不肯陪她旅行的「賠禮」!

共患難

放大圖片

幾年前,無工開、無飯食,萬念俱灰的劉以達一度攀過欄杆想跳樓,達嫂激動攬實老公說:「你走咗我點算?」自此,雙雙成為教徒。

三日大掃除

全部心頭好無遮無掩通屋擺,劉以達解釋不會效法同道古天樂,買個倉來存放自己的寶貝。「用櫃放,好整齊嗰 啲係用嚟炒,會買賣;但在我嚟講,嗰 啲係我 嘅生命,一齊生活,唔會賣!我鍾意同佢 哋傾偈,睇睇嚇電視幫佢 哋轉嚇甫士,一家人一樣。」

至於愛儲歐洲傳統木公仔的達嫂更誇張,見靚就買。「我鍾意響跳蚤市場搵平 嘢,雖然係中國製,但勝在價錢平,(大掃除咪好麻煩?)我用 咗三日時間掃塵,阿達嗰啲要用特別嘅清潔劑不停抹,係好大工程。」既然自己攞嚟,苦差也變成樂事。

儲開日本 figures的他,轉改支持本地創作,香港「 Hot Toys」老闆在去年送了三個樣貌造型精細的荷李活電影人物 figures給他。

半夜嚇人

阿達試過著起成套 Batman衫,在半夜三點落街,嚇到入村的的士司機掉頭走。

放大圖片
放大圖片
放大圖片

各款不同大小的 Batman figures及 Batman車,放滿音樂房的另一邊。

遙控哥斯拉

放大圖片

可遙控走動、變化表情及發聲的哥斯拉,十幾年前售價要幾千蚊,達嫂一見就話買。

老婆仲癲

阿達愛 Batman,達嫂同是儲物狂迷,由歐洲傳統公仔至得意玩物,放滿成屋,有如童話世界。

胡桃夾子

放大圖片

德國出品的《胡桃夾子》公仔,在跳蚤市場搜購,勁平!

儲開日本 figures的他,轉改支持本地創作,香港「 Hot Toys」老闆在去年送了三個樣貌造型精細的荷李活電影人物 figures給他。

自砌微型屋

走廊也放了不少達嫂珍藏,微型公仔屋原本是空的,所有傢俬甚至能開關的吊燈,是她逐件買回來砌入屋。

放大圖片
放大圖片


.[壹週刊]買唔停手 劉以達 儲物狂夫婦
http://veryy8.blogspot.com/2013/02/blog-post_6709.html
.[壹週刊]買唔停手 劉以達 儲物狂夫婦
http://veryy8.blogspot.com/2013/02/blog-post_6709.html