2013年2月14日 星期四

[壹週刊]新年行大運 葉玉卿母女 花市搵食

滿手戰利品的卿卿話有機會一定再行花市,女兒就覺得:「 Cool! Fun!」


探熱針

新年行大運 葉玉卿母女 花市搵食

2013年02月14日

嫁咗過美國十六年的葉玉卿,今年難得新年前回港做電影宣傳,自言成世都未行過花市的她,一於要去維園年宵感受氣氛,「嘩!原來好熱鬧囉!係 shoulder to shoulder嗰種,一路食一路行嚇買嚇,真係好正!」 Christina's Cake Shop老闆娘陳妙蘭,雖然每逢農曆年都離港避歲,但都會買年花裝飾屋企,「話曬新年,屋企點都要有氣氛嘅!」

未行過花市

新年行花市是指定節目,但在香港長大的葉玉卿原來從未行過,更遑論十三歲女兒胡芷欣,「佢(囡囡)都興奮,問我係乜 嘢 嚟,我話:『 Flea market, Chinese New Year flea market.』佢就話:『 Oh! I wanna go!』」於是她趁留港宣傳賀歲電影期間,偷了一粒鐘時間,帶埋女兒齊齊去維園踩場。

她們對各種貨品都感興趣,檔主見到卿卿母女都落力推銷,卿卿亦來者不拒買買買,不消半小時,已花掉近八百元,二人全力掃中國傳統小食,一見冰糖草莓即買來吃,「莫講話 喺美國冇得食,就算而家都唔係成日見得到,龍鬚糖、麥芽餅,勾起好多童年回憶,所以我特別想介紹俾個女。」原來芷欣在美國都成日食缽仔糕,「我個女好鍾意食,我家姐 喺加拿大過 嚟時會特登買俾佢,所以頭先見到,個女就搶住買,哈哈。」

放大圖片

卿卿與女兒吃了很多傳統小食,包括冰糖草莓,問芷欣最喜歡哪一款中國傳統食品?「 Strawberry!」

放大圖片

卿卿向芷欣介紹麥芽餅乾、龍鬚糖、豆沙餅等中國傳統食品,一班中學生檔主留起自用的最後一盒缽仔糕,亦割愛賣給卿卿。

自製氣氛

說到最難忘的新年,卿卿說一定是今年,「每一年 嘅新年,我都會打電話同媽媽拜年,今年就冇得同佢拜年。但係又唔係太傷感 嘅事,因為佢咁大年紀去都係一個笑喪,我更加應該提醒自己珍惜同埋感恩。我已經知道年初一 瞓醒我會做咩,一瞓醒,『呀!幾多點呀?夠鐘未呀?打俾阿媽先。』跟住諗嚇,『呀!佢唔 喺度喎。』因為而家每隔日就會發生呢樣 嘢。」

放大圖片

母女二人邊行邊食,食到口渴便飲蔗汁。

放大圖片
放大圖片

有檔主送了「靚足一世」揮春給卿卿。

放大圖片

胡芷欣雖然不明公仔揮春意思,但十分好奇,最後買了三張布揮春。

放大圖片
放大圖片

花市內經過蕭若元(右)及慢必(中)的攤位,蕭若元立即送上新作《成王敗寇》及《邊緣回望》給卿卿。

放大圖片

行花市時,卿卿偶遇前男友兼髮型師 Boffy,十八年未見過面,卿卿介紹女兒給他認識。

陳妙蘭新年插竹葉

維他奶創辦人之一陳南昌的孫女、 Christina's Cake Shop老闆娘陳妙蘭( Christina),每年都會趁農曆年假期一家人去外地滑雪,今年他們就會到加拿大威士拿滑雪。「因為好多親戚 喺外國住,聖誕節佢 哋會返香港 get together,反而新年就各自去旅行。」今年 Christina年廿八便出發,玩足九日才回來,「返到 嚟,一日內要去曬所有親戚度拜年,諗起都驚。」

雖然不在港過年,但她一樣會去花墟買花迎新歲,「桃花同桔就由老公去沙田 嘅花場訂,花墟 嘅唔夠靚。」今年她在花墟更有特別任務,「搵 咗風水師睇風水,有好多 嘢要擺, for我兩個仔都有唔同 嘢。」她一到花墟即四圍搵觀音竹,「呢 啲都易搵,另一個仔要擺熊貓食 嗰種竹葉,都唔知邊度有。」就連花鋪老闆都俾佢考起,陳妙蘭笑言:「唔通要搵盛智文(海洋公園主席)幫手?哈哈!」

除了真年花,身為餅店老闆娘的她,亦做了食得落肚的桔仔小盆栽送朋友,「我仲同餅店設計 咗十二生肖曲奇,小朋友好鍾意。」

放大圖片

Christina花$2688買了盆日本蕙蘭,「其實新年我好少擺蘭花,但呢隻淺粉紅色真係好靚。」她又買了一盆九代同堂(圓圖)。

放大圖片
放大圖片

搵足成條街,先見到啱心水的銀柳,即買!

放大圖片

她又幫襯買新界出產的新鮮草莓,「要支持本地出品!」

放大圖片

她為囝囝買了八枝觀音竹,「仲要買熊貓食嘅竹,去邊搵?」

放大圖片
放大圖片

Christina的糖桔仔是非賣品,十二生肖曲奇(上圖)就在她的餅店有售。



.[壹週刊]新年行大運 葉玉卿母女 花市搵食
http://veryy8.blogspot.com/2013/02/blog-post_14.html
.[壹週刊]新年行大運 葉玉卿母女 花市搵食
http://veryy8.blogspot.com/2013/02/blog-post_14.html