2013年1月16日 星期三

帶挈肥妹鬼妹 王祖藍《老表,你好嘢!》玩晒

220磅肥妹演「細細粒」


帶挈肥妹鬼妹 王祖藍《老表,你好嘢!》玩曬

FACE週刊 第295期

免費電視新牌未發,電視業已經大執位,王維基撬走台前幕後連綠葉都唔放過,搞到做慣電視龍頭嘅無 綫因為橋弱、演員重複被視迷圍插,係時候要變!

踏入2013,終於等到無綫第一變,新劇《老表,你好嘢!》玩hit爆中港矛盾素材、用前亞視長腿花旦萬綺雯做女主角、又有大量歌手、舞台劇新面孔,最重要係王祖藍親自度劇本組班底,帶挈演藝師妹鬼妹陳明恩和新紮串星肥妹小寶有份拍兼玩曬,搞到中佬郭晉安都要企埋一邊!



220磅肥妹演「細細粒」

雖然劇集海報郭晉安、萬綺雯企正中間,不過週一(14日)首播的新劇《老表,你好嘢!》,由度劇本到吹雞搵舞台劇猛人龍文康做編審、搵疑似失散老豆黃光亮出山,力薦舞台劇自己友張繼聰、王菀之、大茄肥妹小寶演出,一概由王祖藍包辦,擺到明祖藍至係靈魂人物。

四年前小寶第一次做電影老臨《矮仔多情》(小圖)同祖藍有一幕感情戲咁大把,祖藍打後開戲、開騷都記住小寶,仲帶挈小寶簽約 TVB,主演新劇《老表,你好嘢!》

’08《矮仔多情》

四年前小寶第一次做電影老臨《矮仔多情》(小圖)同祖藍有一幕感情戲咁大把,祖藍打後開戲、開騷都記住小寶,仲帶挈小寶簽約 TVB,主演新劇《老表,你好嘢!》。

身高 5呎 7吋,體重 220磅,現時仍是電影製作公司秘書的小寶

身高 5呎 7吋,體重 220磅,現時仍是電影製作公司秘書的小寶,辦公桌上有「我要減肥」自勉說話,不過明顯未成功。

接住《老表》出街的《初五啟市錄》都有肥妹小寶份,去年底播出的《巴不得媽媽》小寶就有份累香香公主跌落海

接住《老表》出街的《初五啟市錄》都有肥妹小寶份,去年底播出的《巴不得媽媽》小寶就有份累香香公主跌落海。

小寶(左二)去年五月簽約成為 TVB合約藝員,在王祖藍度橋的《老表,你好 嘢!》傍住祖藍、王菀之戲分吃重

小寶(左二)去年五月簽約成為 TVB合約藝員,在王祖藍度橋的《老表,你好嘢!》傍住祖藍、王菀之戲分吃重。

曲線捧自己

拍完《矮仔多情》,祖藍即對肥妹念念不忘,王祖藍 11年開個唱又搵小寶上台表演辣舞

拍完《矮仔多情》,祖藍即對肥妹念念不忘,王祖藍 11年開個唱又搵小寶上台表演辣舞。

周身刀嘅祖藍,原來 99年讀演藝係想做編劇,誰不知誤打誤撞,搞笑形象贏盡民心樂做幕前,雖然平時出碟拍戲又扮女人,祖藍就話自己一肚橋,想拍劇又想搞遊戲節目:「梁家樹(戲劇總監)叫我寫劇本時,我唔知有冇人不滿,但係我寫嘅途中好小心分配角色,自己戲分真係唔多,費事人哋覺得我寫劇捧自己!」

講係咁講,其實祖藍在《老表》中嘅角色造型騎呢、廣東話半鹹淡、又係內地歌手出身,趁機露一手唱功,戲分唔使多,講出位已經撼贏飾演正路港男的郭晉安。

演藝同學會

唔只度劇本同做埋主演,祖藍連台前幕後都碌盡人情咭搵自己友。

《門徒》編劇兼演藝編劇講師龍文康任編審,演藝師兄張繼聰、王菀之及 Bob林盛斌處男處女演出電視劇,一概由祖藍物色及牽線,而劇中 3人唱歌組合「 Oh Baby」的 26歲肥妹小寶,近期頻頻在劇集中過鏡做串星,由於體型重達 220磅,演出又生鬼,已有網友留意,小寶可以拍劇,全靠祖藍親自由特約演員提拔佢簽約無 綫。

「我以前正職教鋼琴,閒時做特約演員, 4年半前第一次演出電影《矮仔多情》識祖藍,可能佢見我形象同性格特別啦,之後做演唱會、開劇都有搵我。??家我同無線簽 咗兩年藝員合約,真係要多謝祖藍我至有機會走入電視台。」捧肥妹,祖藍亦捧埋演藝師妹鬼妹陳明恩( Corinna),廣東話超流利的她一頭金髮好易認,連拍多套劇集, 13年注目新人,非肥妹鬼妹莫屬。

陳明恩

陳明恩

至於同小寶一樣在劇中做祖藍、王菀之死黨的鬼妹陳明恩,又係祖藍母校演藝學院出身,拍劇時特別 啱 key。《蘋果日報》圖片

31歲陳明恩原籍新西蘭,在香港土生土長、演藝學院音樂劇系畢業

31歲陳明恩原籍新西蘭,在香港土生土長、演藝學院音樂劇系畢業,現時同樣簽約無綫,遲嚇李添勝監製重頭劇《神探哥倫布》又有佢份。

王家班

雖然係第一次做編劇,不過祖藍出道 10年,無論歌、影、視同舞台劇界人面都夠曬廣,有機會拍出心血劇集,祖藍碌爆人情咭搵班底,結果《老表》台前幕後都係自己人,戲中演他表哥的郭晉安,慘變陪襯囉!



安仔陪襯

編審:龍文康

親自力邀

編審:龍文康

張繼聰

男 2:張繼聰

林盛斌

落嘴頭引薦

大茄:林盛斌

假分裂明和諧

祖藍處男落場編劇,一改無 綫劇婆媽老土千篇一律風格,夠膽用新人亦夠膽玩近年最熱嘅中港差異做題材,不過新劇未上場已經引來話題,又有傳被內地電視台河蟹,祖藍就話由中港差異想帶出和諧共融目的至真!



講嘢唔正

郭晉安係港人、祖藍同萬綺雯都來自內地,《老表》唔少場面係新移民講白話歪歪哋,內地遊客又彈港人普通話爛。

郭晉安同女朋友湯盈盈一齊開旅行社,湯盈盈個導遊角色齊蔭又兇狠,迫遊客消費,極有兩年前惡極一時內地團導遊「阿珍」影子

惡婆導遊

郭晉安同女朋友湯盈盈一齊開旅行社,湯盈盈個導遊角色齊蔭又兇狠,迫遊客消費,極有兩年前惡極一時內地團導遊「阿珍」影子。《蘋果日報》圖片

祖藍將廣州救童英雄托舉哥真人事跡搬上電視,話無論邊度人,都有好人又有壞人喎。《蘋果日報》圖片

翻炒網料

祖藍將廣州救童英雄托舉哥真人事跡搬上電視,話無論邊度人,都有好人又有壞人喎。《蘋果日報》圖片

《老表》以招待強國旅行團為故事骨幹,拍到名店對港人、強國人待遇不同,明潤廣東道引起公憤嘅 D&G。

抽 D&G水

《老表》以招待強國旅行團為故事骨幹,拍到名店對港人、強國人待遇不同,明潤廣東道引起公憤嘅 D&G。《蘋果日報》圖片



.帶挈肥妹鬼妹 王祖藍《老表,你好嘢!》玩晒
http://veryy8.blogspot.com/2013/01/blog-post_905.html
.帶挈肥妹鬼妹 王祖藍《老表,你好嘢!》玩晒
http://veryy8.blogspot.com/2013/01/blog-post_905.html