2012年12月21日星期五

《大太監》拍續集李連英會變奸

今日就有報道話，《大太監》真係開續集，仲定咗大橋，就係李連英會變奸。報道話，個劇由光緒即位開始，一直講到佢同慈禧死、李連英離開紫禁城為止。角色大致用番上次「死剩」嘅人物，包括慈禧(米雪飾)、六王爺(張國強飾)、雙喜(黃浩然飾)、三順(陳國邦飾)等等，而李連英更加會變奸仔。而第一輯被塑造成大好人嘅慈禧，亦會變奸，聯手對付光緒。原來第一輯之所以搞到慈禧係個好人，係為咗拍第二輯埋伏線講佢性情大變﹗

唔知第一輯結局B交代冇死到嘅倩蓉(胡定欣飾)，會翻生一齊拍定叮出局。祥仔就話未收到通知，張國強就話起碼等埋《巾幗梟雄3》拍埋先開得工。

盛傳《大太監》續集係慈禧同連英齊齊變奸，對付光緒。咦，咁到時米雪就唔使再整呢個「憂國憂民」嘅表情喇。

上一集李詩韻太早死，熱切期待佢喺續集可以復活。

第二個版本嘅結局講胡定欣冇死，咁係咪可以一齊拍續集？

六王爺張國強係好戲之人，佢同三順都肯定有得留低。