鄭嘉穎拒拍《寒山潛龍》 曾勵珍揾馬浚偉救亡
忽然1周 第908期
娛聞樂
嫌人工奀拒剃頭拍劇 鄭嘉穎辣?珍姐
自去年成為雙料視帝兼在內地走紅後，鄭嘉穎的身價火速成為無綫小生之冠，力壓林峯及陳豪。
突然竄紅，令一向寸寸貢的鄭嘉穎更加不可一世。
據知無綫打算明年 3月開拍古裝劇《寒山潛龍》，此劇罕有由兩大監製巨頭曾勵珍及梁家樹負責，珍姐更屬意男主角「西門吹雪」由鄭嘉穎飾演，並於早前專程約鄭返公司製作部開會。
不過鄭嘉穎聽到拍古裝要剃頭兼黐頭套，惟恐斷??銀米路，即斬釘截鐵拒絕說：「咪玩啦，珍姐，剃咗頭點搵食呀！」
珍姐當堂激到紮紮跳，更講明以後唔再用佢。
周一(17日)頒獎禮當日下午，鄭嘉穎乘坐保母車到電視城，一落車見記者影相即黑面，更命令在場等候多時的助手到車上取衫，態度不可一世。
明大細超
去年鄭嘉穎北上拍《步步驚心》，因每集收 20萬人仔，鄭睇錢份上亦樂意剃頭。相反在無綫多年卻一直抗拒剃頭拍古裝，擺明大細超。
鄭嘉穎自前年憑內地劇《步步驚心》的「八阿哥」走紅後，迅即成為無綫小生吸金王，平均騷價逾 18萬，大陸劇每集叫價更逾 30萬，近日更有傳他以破頂價 50萬人仔一集接拍電視版《葉問》。拍一套劇集，隨時收過千萬，相比在無綫只收萬五蚊一集，鄭視帝自然選擇北望神州。
在過去半年，鄭嘉穎長期駐守強國，接連拍了《葉問》及《滾滾紅塵》等大劇，連爭視帝都不志在：「我睇好黎耀祥，自己就玩玩嚇心態啦，志在參與啫。頒獎禮我唔會拉票啦，我成日唔喺香港，都唔好意思拉票。」就連上周 TVB搞一連兩晚盆菜宴慰勞全台員工，本應答允出席的他最終亦冇影，明剃娘家眼眉。
恃紅得失高層
珍姐提攜
當年在台灣黴過梅菜的鄭嘉穎，多得珍姐帶他到無綫，更叫旗下監製安排好角色給他。可是，鄭嘉穎如今紅透大陸，珍姐睇怕都幾難請得鬱鄭視帝。
鄭嘉穎財大氣粗，連高層也敢得罪。據知 TVB戲劇製作部兩位總監曾勵珍及梁家樹，明年將合力製作一部重頭古裝劇《寒山潛龍》。暫定明年 3月開拍，向來嚴謹的珍姐，已開始擬定有份演出藝員名單。她極力希望由鄭嘉穎演出男主角「西門吹雪」。據知表面斯文內裏 open的西門角色，極有發揮，向來視鄭嘉穎如寶的珍姐，擺明造就他再奪明年視帝。
落令監製棄用
為表誠意，珍姐本月初趁鄭嘉穎返港，秘密約他返電視城傾新劇細節。不過鄭不領情之餘，更二話不說當面拒絕恩師。據知情人透露，「嘉穎聽到話要黐頭套，即皺曬眉頭話『唔好啦珍姐，你知我怕黐頭套?，好易甩頭髮?，不如你搵第二個啦。』咁珍姐叫佢索性剃頭囉，點知嘉穎反應仲大，話『剃咗頭點搵食呀？』」
珍姐對於鄭嘉穎今次推劇怒不可遏，私下向旗下監製表明短時間內不要搵鄭拍劇。
對於拒剃頭辣?珍姐一事，周一（ 17日）頒獎禮當晚，鄭嘉穎聽罷記者問題後即黑面掉頭走，更搵助手擋駕。至於曾勵珍得悉記者來意後，只不停說：「唔答呀，唔答呀，你哋次次影得我個樣咁衰，歪嘴嗰啲唔准出呀！」對於鄭嘉穎推劇一事，未有正面答覆。
黑面拒答
鄭嘉穎在台慶頒獎禮當晚，記者向他求證唔願剃頭一事，他即黑面，拒絕回應。得罪無綫高層，難怪他連視帝五強都入唔到。
質問公關
拒答記者問題後，鄭嘉穎即掉頭快步走入化妝間，一外事部職員問他會否再做記者訪問時，鄭即發脾氣說：「你係邊位？你係 TVB?？點解你要幫佢（指記者）？」
搵馬仔救亡
珍姐遭鄭嘉穎當面拒絕後，即急急另覓人選。兩周前，更秘密相約昔日愛將馬浚偉，力邀對方回巢。知情人透露：「嘉穎幾年前最黴嗰陣，都係珍姐執佢返嚟拍《烈火雄心》，估唔到有人紅咗會變臉。雖然馬仔（馬浚偉）走嗰陣同公司鬧得唔開心，但數嚟數去，珍姐最信得過嘅人始終係佢。」
今次珍姐力邀馬仔回巢拍劇，將以超高價 8萬蚊一集利誘他。對於珍姐筍價利誘，馬浚偉早前說：「總之有好劇本價錢又合理，我都會考慮，當然我對 TVB嘅恩情永遠唔變，娘家始終係娘家。」與之前離開時態度逈異。
反臉有前科
鄭視帝當年由恩師戴思聰一手帶入行，更簽對方做經理人，但 06年鄭憑《天幕下的戀人》爆紅，有指戴攬實其賣身契唔肯放手，最後要無綫出手，師徒情自此恩斷義絕。
珍姐心腹
花旦小生買少見少，如今鄭嘉穎亦變臉推劇，珍姐惟有搵心腹馬浚偉回巢，接拍新劇《寒山潛龍》，飾演鹹鹹濕濕的西門吹雪。
年賺逾億
今年可謂鄭嘉穎的豐收年，去年他拍內地劇《步步驚心》走紅，當時拍劇身價為 20萬人仔一集，但僅一年時間，他已升至逾 40萬一集，相當驚人。而近日有傳他以 1,200萬人仔接拍了一個內地電訊廣告，跟天王級的劉華睇齊。埋單計數年賺逾億，難怪他唔志在 TVB份人工。
.鄭嘉穎拒拍《寒山潛龍》 曾勵珍揾馬浚偉救亡
http://veryy8.blogspot.com/2012/12/blog-post_6852.html.鄭嘉穎拒拍《寒山潛龍》 曾勵珍揾馬浚偉救亡
http://veryy8.blogspot.com/2012/12/blog-post_6852.html
