2012年12月28日星期五

鄧萃雯脹爆

2012年12月28日

曾被封視後嘅鄧萃雯，今屆與獎無緣，而佢亦樂得專心喺強國搵人仔。早前，鄧萃雯專登由橫店返港過聖誕，媽咪姐仲撞到佢素顏 look返教會。經常同人講自己對愛情好飢渴嘅雯女，依然 dry爆，身形都脹咗唔少㖭，正所謂「女人唔補好易老」，四十六歲嘅雯女唔通真係疊埋心水寄情於神？

休息返港嘅雯女，不時同朋友敍舊，日前，佢將同老友黃秋生嘅合照放上微博。相中雯女笑得咁燦爛，睇得出佢真係好開心。

雯女因為遲到，去到銅鑼灣教會時，其他教友都已經入曬去。

雯女喺微博祝願大家聖誕快樂，真係有心呀！