[忽然1周]句句金

2012年12月28日星期五

2012年12月28日

亞視早前因 4名藝人未有參加洗腦式培訓課程而派大信封，震驚娛樂圈。一班曾效力亞視嘅演藝人士，更齊心聲討。

歐錦棠得知炒人事件後，表現激動，直指亞視落喺王征手上，只有死路一條，

我送佢四個字，征盡台亡，王征個征呀！

唔使等到征盡，一發牌，佢就危危乎，可憐亞視要同佢一齊陪葬啫。

電視製作人鄧特希跟亞視合作過，亦坦言亞視方針有問題，

之前認為亞視有發展空間，但慢慢發現佢嘅定位，係全力得罪香港觀眾。

前亞姐張文慈忍唔住喺微博開火：

亞視為何有今日，不是藝員、公司有問題，而是老闆很有問題。

曾志偉涉普通襲擊及刑事恐嚇，最高刑罰 5年，難得好友譚詠麟處之泰然，仲開志偉玩笑：

到時佢真係 all you can eat，籮柚放題囉。

「真正」嘅朋友，咪就係咁囉。

視帝雖塵埃落定，但是非不斷，更有指黎耀祥續約換獎。佢早前否認傳聞，並指其他小生均比佢優勝，

個個價值都高過我十倍八倍。

價值高並不等於得民心。劉江華做副局長，身價、人工夠曬高啦，不過一樣俾人柴台柴到死。

章子怡日前出席時裝派對，大談戀愛之道：

潮流跟談戀愛一樣，並不是你拼命追它就可以輕而易舉地得到。

其他人可能係！章子怡堂堂國際大明星喎，潮流、戀愛自動黐埋嚟啦。