娛聞樂
志雲搞生日 P 失寵王喜拖密友示威
2012年12月28日
向來愛將如走馬燈的陳志雲，近日新寵 Terry（梁泰來）常伴左右；相反，昔日逢出庭必為陳總擔遮擋雨的王喜，似乎逐步失寵。上周四（ 20日）陳總生日，一向篤信命理的他， call齊人馬大搞 54歲慶生派對，更藉此為官司沖喜，所以事前已叮囑嘉賓穿紅色 dress code。
當晚 Terry不僅與陳總的衣著像孖公仔，更全晚傍實對方接待客人，似足主人家。王喜卻一反常態，在派對開始足足四個鐘後才現身，除了冇聽主人家吩咐穿紅色衫外，更突然高調帶同居密友明仔出席派對，擺明示威贈興。
愛將出名多的陳總，昔日在無綫大權在握時，崔建邦、鄧健泓、王喜、叢培崑等爭著追隨。不過十年人事幾番新，今年 2月，陳總離開無綫入主商台，成個局面亦唔同曬。
新人事新作風，陳總連愛將都轉了口味。今年 7月他安插前娛記新寵 Terry（梁泰來）入商台，掌管對外事務總監兼開咪主持節目《 1圈圈》，自己人玩曬。但以為可以再風起雲湧之際，日前上訴庭卻撤銷陳總去年的涉貪案罪名不成立的裁決，發還區域法院重審。
孖公仔裝扮
官司再度纏身，本刊得悉陳總為求沖喜，上周四（ 20日） 54歲生日當天，刻意在好友羅寶文旗下的尖東富豪酒店大搞慶生派對，並 call齊半百藝人及教會好友，包括鄭裕玲、陳敏之、麥玲玲和鄺美雲等，設宴五席豪食自助餐兼唱 K直落。陳總更叮囑到場賓客需以象徵吉利的紅色衣飾為 dress code，務求一喜擋三災。
派對 7時開始，陳總愛將 Terry未夠 6時最先到場打點。他在場內落手落腳整理桌上的擺設，又再三提點酒店職員幾點上菜及預備的紅酒數量等，緊張過自己生日。至賓客陸續到場，與陳總打扮如孖公仔，一樣是白恤衫外襯紅色冷衫再加西裝褸的 Terry，邊傍實陳總邊迎賓，又負責應付在場記者，儼如主人家。
拖仔遲大到
正當陳總和眾賓客飲到㷫烚烚之際，此時「迷雲黨」昔日主將王喜，竟在派對開始四個鐘後（近 11時），才施施然現身。而最離奇是，與他一同到場的，竟然是平時甚為避忌，聲稱是自己「表弟」的同居密友明仔。是次王喜首次高調帶明仔現身派對，似是向大師示威，王喜亦未有聽陳總吩咐穿紅衫出席。據現場人士透露：「阿喜帶明仔嚟，大家都好 surprise，因為咁耐以 嚟佢都未試過帶明仔出嚟玩。不過阿喜平時口水多過茶， 嗰晚就唔多出聲。佢見 Terry同陳生走 嚟走去招呼人，好似好冇癮咁坐埋一邊。」當晚記者見王喜到場後，與 Terry甚少交流，只坐埋一邊跟明仔交談。至 11時多， Terry有事先走，王喜才攝位陪陳總去廁所，更主動叫停陳總讓記者拍二人合照。
對於 Terry坐正而王喜失寵，陳總風騷表示：「唔好又攞佢 哋 嚟比較啦！（ Terry同你 著情侶裝，係咪顯示咗佢嘅地位？）邊度係情侶裝 啫，係咁啱之嘛。我 哋今晚主題係紅色，佢好乖跟 dress code著 吖嘛。（但王喜冇 著，佢唔聽話？）嚇！佢咁衰冇 著，等我過去話嚇佢先。不過出面冇 著，可能裏面條底底係紅色呢！」新舊愛將共冶一爐，難怪陳總會 high爆大講有味笑話囉！
紅噹噹沖喜
陳志雲官司纏身，因此搞生日派對沖喜，更特意訂下紅色 dress code要求，因此當晚現身嘉賓，唔少人都 著到紅噹噹。
.[忽然1周]志雲搞生日 P 失寵王喜拖密友示威
http://veryy8.blogspot.com/2012/12/1-p.html.[忽然1周]志雲搞生日 P 失寵王喜拖密友示威
http://veryy8.blogspot.com/2012/12/1-p.html
