2012年10月29日 星期一

法巴王菲




法巴王菲

法巴美女 成彭博人氣王

本週一一張美女照片榮登彭博終端人氣榜榜首,這位註冊身份為法國巴黎銀行BNP的投行美女引來眾位業內人士圍觀,有投行人士評價為:人氣堪比伯南克。

彭博人氣榜是註冊彭博終端的人會有一個註冊信息,所有使用彭博終端的人都可以尋找和點擊自己感興趣的人,而被點擊最多的,就成為彭博MVP(most viewed people )。在男性為主的彭博用戶中,罕有上傳大頭照的,因此這張美麗的大頭照迅速被圍觀。

據悉,當事人此前在法巴固定收益部做銷售,她本人在微博上透露,上週已經從法國巴黎銀行辭職。

法巴王菲



喺美國NBA打籃球打得叻,有機會做MVP (Most Valuable Player),其實夠靚女嘅話,亦都可能做MVP喎。話說唔少金融界人士,都將履歷、聯絡方法等等嘅個人資料放喺彭博,等其他人可以喺「彭博機」度搵到自己。最得意係有個叫「Most Viewed People」嘅功能,其實係一個人氣龍虎榜。

近日心血來潮,想睇下呢排邊個做MVP,咁啱撞正花旗高層震盪,斷估最多人關心嘅都應該係新任CEO Michael Corbat喇。誰不知喺1個月的龍虎榜入面排第1嘅,竟然係叫「王菲(譯音)」(Wang Fei)嘅人。

身分多版本 傳來自獅城

唔睇尤自可,一睇小琴睇到對眼都大埋。呢位「王菲」擺咗張相,個「甫士」十足十時下嘅美少女自拍照咁,側側地個頭,由上而下咁影。雖然張相解像度唔高,但一眼就睇得出係個可愛靚女嚟。聽講佢喺法巴做固定投資嘅副總裁,主要負責銷售,有人話佢入職1個月鬆啲。

見到咁嘅情況,梗係即刻問嚇法巴嘅朋友仔,未問完佢已經知係講佢位靚女同事。朋友仔話,條街有唔少人問過佢,可惜朋友唔係同「王菲」同一層,就算知佢喺彭博機度人氣爆燈,都無緣見面。有芬佬都話,呢位法巴美女喺中環已經紅咗一排,聽講佢來自新加坡,總之有好多個版本,簡直好似都市傳說咁。

排名勁過花旗新CEO

唔知係張相吸引,定係真係成行成市都知道佢嘅存在,總之佢個檔案喺1個月內,有成8400次點擊,高過第2位嘅花旗新CEO Michael Corbat差唔多成千個。單計噚日都有200幾次,當之無愧榮登彭博人氣王寶座,可惜小琴噚日點都搵唔到佢,無緣結識下呢位靚女。

法巴人氣靚女傳已離職

前日同大家講過嗰位喺「彭博機」做咗人氣王,傳說中嘅法巴靚女王菲(譯音,Wang Fei)之後,小琴收到唔少金融界朋友嘅電話,聽到各式各樣嘅傳言。不過,噚日最轟動嘅傳聞,就係有個朋友仔話王菲被炒了。

小琴心知不妙,唔通前日篇文「見光死」,唔小心打爛咗人哋個飯碗。跟手打去搵法巴嘅人證實下,可惜收到消息嗰陣已接近放工時間,都好難去確認單料係堅定流。不過,之前仲可以發到電郵畀呢位靚女,但噚日就彈返轉頭,若果佢唔喺轉咗電郵地址,就可能真係離職了。

通行都識佢 好受歡迎

唔講唔知,王小姐原來真係通行都識,基本上同啲「芬佬」、「賓架」傾開,好多人都知法巴有美女。有人就話佢真人好靚女,所以好受歡迎,但亦都有人話見過真人之後,覺得都係普通女仔一個,無佢自己擺出嚟啲相咁標青。

其實靚唔靚女真係各花入各眼,有朋友搵咗一、兩張王小姐嘅日常生活照畀小琴睇,的確相當標緻,但略有PS (執過相)嘅痕跡。睇番「彭博機」個MVP榜,截到噚日為止,差唔多突破9000次點擊大關,人氣依然係咁旺盛。



.法巴王菲
http://hk8news-e.blogspot.com/2012/10/blog-post_9980.html