2012年10月29日星期一

《爆足一周》停播整改查小欣2013年再見

《爆足一周》停播查小欣備戰明年出擊

[23:26] 2012/10/28

【on.cc 東方互動專訊】由查小欣及莊思敏等主持的無綫節目《爆足一周》播完第四集便暫告一段落，將重新部署後於明年再度出擊，今次停播外間有不少迴響，指內容是「舊聞」而被踩。

查實節目有不少過辣的料擔心法律責任而不敢爆，當中包括林小明與前旗下藝人李彩華的是非糾紛及無綫藝人的桃色事件等。據悉，今次節目會趁暫停期間跟公司法律部門重新研究「踩界」位，希望當中取得平衡，在不犯法的情況下盡情「爆料」。

《爆足一周》停播，接力播出將是蘇民峰的風水節目。

《爆料一周》宣佈腰斬莊思敏呆鳥

2012-10-28 23:07:26

《爆料一周》今晚真正猛料就係——終於宣佈腰斬喇……唔係，查小欣話，係暫停，但後會有期，2013年再同大家見面喎。

小欣姐話，呢個節目開播以來，收到大家好多寶貴意見，佢哋全部都有聽曬，仲話會虛心聆聽，徹底檢討……依家暫時停播，2013年再見。

且慢，呢個未係最爆。最爆係﹕主持之一莊思敏聽完小欣姐咁講之後，呆咗一呆，個鏡頭明明仲對住自己，但佢都忍唔住用口形問﹕「咁算唔算腰斬？」、「嚇？腰斬咗呀﹗」

哦，原來莊思敏今日傍晚喺微博煞有介事話有料爆，就係爆原來佢呢個所謂主持，都唔知自己個節目俾人腰斬呀﹗