2012年10月20日 星期六

[忽然1周]贏盡查小欣 秘密武器壓軸 黎芷珊搵星爺出山

靠你啦老朋友!(設計對白) <br><br>黎芷珊早前曾親自打俾星爺,約她做訪問,星爺在電話中「哦」了一聲表示答應。


滾熱辣

贏盡查小欣 秘密武器壓軸 黎芷珊搵星爺出山

2012年10月19日

近日查小欣和黎芷珊霸盡報章雜誌版位,熱爆娛樂圈,不過兩人受到的評價卻差天共地。

查小欣的《爆足一周》播出僅兩周,卻被網民插足兩周;至於黎芷珊的《最佳男主角》獲粒粒巨星撐場,最高收視 26點,成績與口碑都贏查小欣九條街。

本刊收到消息,黎芷珊為贏盡死敵,將會再搵幾位有分量的嘉賓添食,包括已落實的「宇宙最強」甄子丹及吳彥祖,而壓軸出場的秘密武器,則是識於微時的死黨星爺周星馳。黎芷珊群星拱照,就連查小欣亦眼紅說:「佢實搵到㗎!」酸到漏!

黎芷珊主持的《最佳男主角》,近日成為 My TV人氣節目第一位,每晚點擊率超過 2萬,好睇過電視劇。相反被商台炒魷的查小欣,向來自恃人脈廣,但她主持的《爆足一周》,卻是炒冷飯舊料。第二集更唔識死,搵已過檔 CTI拍劇兼成日寸無綫的叛將蘇永康,回應同廖碧兒的緋聞。激嬲無綫,觀眾又唔 buy,查小欣唔頭痕就假。

放大圖片

俾面你咋!(設計對白)

星爺多年來從未在電視亮相,如果黎芷珊成功請他做節目嘉賓,可望刺激《最佳男主角》收視。

放大圖片

識於微時

黎芷珊和周星馳曾一齊在無 綫《 430穿梭機》做主持,相識多年。早前錢國偉更踢爆當年星爺曾力追芷珊,兩人現時仍然老友。今時今日,要請得鬱星爺亮相電視,非黎芷珊莫屬。

親自打俾星爺

放大圖片

吳彥祖、丹爺助陣

《最佳男主角》現時已公布 12位嘉賓,共播出 19集。據知黎芷珊落足嘴頭遊說星爺外,更搵到吳彥祖和甄子丹做訪問。

芷珊未有見好即收,相反更會添食多幾集,緊接梁朝偉最後一集播出。已落實撐場的是「宇宙最強」甄子丹及型男吳彥祖。不過黎芷珊自知單單靠這兩位型男也未必夠照,遂出動秘密皇牌。本刊收到消息,黎芷珊為省令招牌,將會搵久未亮相無綫的星爺出山。

「為咗添食,我哋都開過幾次會,話搵星爺唔係芷珊第一個提出,佢唔會打冇把握嘅仗,而係 Sandy(綜藝科總監餘詠珊)話要搵嘅。」知情人士透露,「芷珊可以直接搵到星爺,而且佢兩個間中都有出嚟食飯。嗰日芷珊打俾星爺,話會就佢個檔期。星爺喺電話中『哦』咗一聲,芷珊知佢性格,佢『哦』就代表佢會應承!不過芷珊都驚星爺有變卦,話會 keep住搵佢。」

其實星爺與芷珊是圈中真正老友,連肥監製錢國偉早前也大爆星爺多年前曾力追芷珊,而芷珊亦不諱言談及對方:「以前喺《 430穿梭機》,我同星仔係壞分子,成日掛住玩,曳到開工掛住笑,俾人 call咪鬧。偉仔都係星仔介紹我識,因為星仔同佢熟,有段時間我哋經常一齊食飯。」

叫無綫 cut芷珊節目

其實齋睇牌面,黎芷珊早已夠贏前輩查小欣,但今次黎芷珊要出動星爺做武器,全因有人背後做小動作所致。據知黎芷珊早前忙籌備《最佳男主角》期間,同時兼任星期一至五晚的《娛樂頭條》的台柱主播,與拍檔阿感(黎國輝)一直甚有默契。

放大圖片

愛情失意

入行 30年的黎芷珊,在圈內一直浮沉,直至主持《最佳男主角》而彈起。不過事業得意,近日她承認與細她 12年的三線型男藝員張達倫剛分手, 9年情結束。

放大圖片

佢實搵到㗎!(真實對白)

見到黎芷珊搵到重頭嘉賓,查小欣即酸溜溜說:「咁人哋 friend嘛,佢實搵到㗎!」

放大圖片

粒聲唔出

周一(15日)下午,《爆足一周》錄影第三集節目,平時聲大大兼 social慣的查小欣,當日卻反常地匿在化妝間角落,神情落寞。

但八月尾查小欣被陳志雲炒出商台後,無綫隨即斟她過檔。當時查已經知道黎芷珊有一個皇牌節目在手,為免被比下去,遂向無綫高層要求取消黎芷珊做主持的《娛樂頭條》,更撬走《頭條》的主播阿感過自己節目。據工作人員透露:「小欣姐同 Sandy講條件,話自己個節目同《娛樂頭條》性質相同,唔想同一時間有兩個類似節目,又講明要搵阿感做拍檔。《頭條》上月中開始停播,芷珊要到 9月初先知,唔嬲就假。」

人前扮 friend

有傳查小欣和拍檔阿感錄完兩集《爆足一周》後交惡,當日在化妝間,二人見面並冇打招呼,背對背全冇交流,但其後面對傳媒時,卻笑曬口扮 friend。

查:阿感係我揀嘅

上周五( 12日),查小欣返無綫錄《爆足一周》時,承認自己一早 𥄫中阿感黎國輝。

記:我哋知你要求 cut黎芷珊做開嘅《娛樂頭條》,仲搵埋佢原本啲拍檔過檔?

查:阿感係我揀嘅!有咩問題?係公司問我想要咩人幫我,我覺得呢個男仔唔錯就要咗佢,你哋唔好又攞嚟造文章啦!其他嘢唔關我事。

記:好多人都覺你輸俾黎芷珊?因為佢搵到好多勁人,包括星爺。

查:佢(黎芷珊)響呢行 30年,同嗰班人一齊長大,佢實搵到㗎!但我係以採訪形式去做節目,同佢哋熟極有限。用我同佢比唔公平。

記:你驚唔驚無綫會腰斬你個節目!

查:呢啲嘢冇得驚,其實我哋係錄影,好多新聞問完播出時已經變舊聞,但第三集開始會轉做 live,希望有新景象。

黎芷珊則周一( 15日)在電話中表示:「小欣姐係我前輩,我唔想同佢比較,你哋放過我啦!(《娛樂頭條》俾人 cut咗,你會唔會唔開心?)我都唔知點解會俾人 cut,不過冇辦法,呢啲係公司安排。(你搵周星馳做壓軸皇牌?)哎吔,我唔講得㗎,可以講得嘅時候我哋就會公布。」

夾硬搶人

查小欣未做《爆足一周》前,私下向無綫高層開出條件,要求腰斬黎芷珊做主持的《娛樂頭條》,更擸埋《頭條》黎國輝(圖)等其他主持,明剃黎芷珊眼眉。

放大圖片

《爆足一周》

放大圖片

《娛樂頭條》

激嬲無 綫

第一集收視口碑差,第二集查小欣一意孤行搵過檔 CTI的蘇永康做訪問,結果激嬲埋無 綫,遭前後左右圍剿,《爆足一周》隨時玩多幾周就要講 bye bye。

粉絲追看

《最佳男主角》播出一星期,最高收視達 26點,可喜可賀。有見及此,無綫除再找來巨星添食外,更計劃開拍《最佳女主角》,食住個勢。

放大圖片

第一集劉德華  26點

劉華做頭炮第一集,雖然內容沒提及妻女,但也吸引粉絲追看。

放大圖片

第二集劉青雲  24點

青雲少有地提及昔日追老婆郭藹明時的點滴,令人知道鐵漢都有柔情一面。

放大圖片

第三集吳鎮宇  21點

吳鎮宇在節目中大談自己躁狂往事,但有網民插他說話神化,故當晚錄得最低收視只有 21點。

放大圖片

第四及五集黃秋生  26點

寸爆的秋生不避嫌重提「唔識羅志祥(小豬)」事件,又以「蒼蠅與屎」及「智障人士」形容羅的粉絲,收視高企 26點。但此番言論再度引起小豬在微博與秋生罵戰。



.[忽然1周]贏盡查小欣 秘密武器壓軸 黎芷珊搵星爺出山
http://hk8news-e.blogspot.com/2012/10/1_20.html