2012年10月20日 星期六

[忽然1周]五角混戰 樊少皇返港會前妻  JJ姣黐錢國偉

赴澳 𥄫實 <br><br>錢國偉隨即到澳門 Grand Hyatt酒店會合女友陳宛蔚(賓治)。兩人身在澳門依然警覺性甚高,行到離行離列亦冇乜偈傾。


滾熱辣

五角混戰 樊少皇返港會前妻  JJ姣黐錢國偉

2012年10月19日

韓國人氣歌手樸載相( PSY)的〈江南 Style〉 MV熱爆全球,就連肥監製錢國偉( Wilson)亦向他致敬,處男下海抄足 PSY,並將 MV改名為〈 HK Style〉。

肥 Wil今次擔正男主角,好友古巨基及鄭伊健亦幫手執導及友情客串,但 MV中最矚目莫過於他的過氣緋聞女友賈曉晨( JJ),有傳兩人當正印女友「賓治」陳宛蔚無到,趁拍攝空檔失蹤 3小時。

本周一( 15日)錢國偉專登帶女友到澳門高級餐廳撐枱腳補鑊,離開時陳宛蔚忍不住拋下一句:「我知有女想埋佢( Wilson)身。」至於 JJ男友樊少皇收到風 JJ姣黐錢國偉,即由內地撲返港,仲被影到密會前妻霞女。呢段五角關係認真錯綜複雜。


45歲的錢國偉其貌不揚,但監製過的綜藝節目有收視有口碑。捧女有一手,難怪不少新女、 𡃁模願意「 on call 24小時」陪玩陪食,務求躋身做小花。最近他的〈 HK Style〉 MV,過氣緋聞女友 JJ騷腿拋飛吻引誘他,而錢的正印女友陳宛蔚(賓治)只能做布景板。鏡頭前的錢國偉與 JJ卿卿我我,有指兩人拍攝當日更公然撇低劇組外出食飯近 3小時,女友陳宛蔚唔嬲就假。

放大圖片

許志安風騷

本周一晚( 15日)在澳門拍完 MV,錢國偉與 Big 4分道揚鑣。肥 Wil低調約會女友,許志安與助手們離開酒店時,卻表現得非常興奮,與在場記者揮手道別。

放大圖片

撐枱腳補鑊

錢國偉與女友陳宛蔚在酒店內的 Beijing Kitchen食晚飯。背向餐廳門口坐的錢國偉亦放低戒心,邊食邊與女友談心。

放大圖片

JJ:我唔需要同佢解釋!(真實對白)

放大圖片

賓治:我知有女想埋肥 Wil身!(真實對白)

密會前度

放大圖片

《蘋果日報》圖片

本周二( 16日), JJ男友樊少皇被拍得與舊愛陳少霞在中環面燶燶前後腳行街。發現記者後,兩人更極速分開行,有指今次是樊向對方攤牌。

JJ義助肥 Wil

知情人士爆:「 JJ知道肥 Wil拍呢個 MV,趕緊劇都同無綫講要度期放佢拍兩日。佢仲不時打俾肥 Wil問佢有咩要配合。肥 Wil見佢咁落力,最後俾佢做女主角。拍攝當日佢當眾向肥 Wil拋媚眼,猛問做得似唔似原作嘅金泫雅,唔得嘅話可以再放啲。」 JJ與現任男友樊少皇一直分隔兩地,只靠電話同微信溝通,兩人不時為此吵架。 JJ寂寞難耐,加上錢國偉對她痛錫有加,難怪 JJ當了肥 Wil是樊的替身。而原本身在內地拍劇的樊少皇,收到風 JJ和肥 Wil關係曖昧,亦急急腳返港,與前妻陳少霞攤牌,藉此向 JJ大派定心丸。

放大圖片

女友出鏡

在錢國偉的〈 HK Style〉 MV內,女友陳宛蔚亦義務為她伴舞。在其中一節,錢攬住她跳舞,不過她的出鏡率不算高。

放大圖片

JJ做女角

擁有一雙媚眼的 JJ,成功電暈錢國偉,坐正做 MV女主角。在 MV內, JJ亦攞正牌與他大跳騎馬舞。

女友去澳門 𥄫實

本周一( 15日)晚上八時,錢國偉與女友陳宛蔚在澳門 Grand Hyatt酒店的 Beijing Kitchen晚膳。現場所見陳宛蔚心事重重,錢國偉則全程做主動,不停講笑話女友開心。

據知錢國偉此行到澳門,是為 Big 4拍 MV,陳宛蔚則做跟得女友。知情者透露:「 Calinda(陳之洋名)知有好多女黐埋肥 Wil身邊攞著數,佢一向都隻眼開隻眼閉。但之前神獸『白雲』喺新加坡拍外景時跟肥 Wil返酒店房, Calinda開始提高戒備。自此肥 Wil出埠開工,佢有時間一定跟埋去 𥄫實男友。」

本周一( 15日),本刊在澳門碼頭訪問陳宛蔚,不施脂粉的她,相當避忌。對於男友與 JJ的緋聞,她說:「我冇睇報道。(好多女想埋肥 Wil身喎!)我知,佢一向都係筍盤嚟,哈哈,佢有咩靚女未見過。」身旁的錢國偉亦斬釘截鐵說:「我冇同 JJ撻著!(同女友喺澳門食飯補鑊?)我今次嚟澳門係做嘢,同佢(指陳)食餐飯啫!」說罷隨即拉住女友行入候船室等候。

同晚, JJ出席《名媛望族》活動時回應:「唔好搞我!我拍 MV當日都要趕返廠拍劇,邊有三個鐘時間同 Wilson出去。」對於會否向陳宛蔚解釋,她說:「唔需要同佢解釋,但遲啲會約佢出嚟食飯。」

放大圖片

否認補鑊

放大圖片

錢國偉被本刊拍得與女友撐枱腳後,同晚他將 Big 4的 MV製作花絮放上微博,證明自己到澳門「做嘢」,非為補鑊。

抄捉 9成

雖然錢國偉的〈 HK Style〉 MV,明抄韓星樸載相( PSY)的〈江南 Style〉 MV。但勝在有 JJ、曾志偉、古巨基等助陣,令肥 Wil突然爆紅。

放大圖片

林曉峰

放大圖片

曾志偉

放大圖片

原裝

眾多串星中,以曾志偉同林曉峰扮得最神似,由髮型、服飾以及舞步都跟足原裝。

放大圖片

MV於上周四( 11日)放上 Youtube,經社交網站瘋傳下,不足一星期的點擊率已達 63萬多人次。



.[忽然1周]五角混戰 樊少皇返港會前妻  JJ姣黐錢國偉
http://hk8news-e.blogspot.com/2012/10/1-jj.html