2012年10月20日 星期六

[忽然1周]劉松仁 63歲牛一收鬼馬賀禮




博出位

劉松仁 63歲牛一收鬼馬賀禮

2012年10月19日

咪睇松哥劉松仁咁精靈,佢周日(14日)生日,原來已經六十有三。 喺國內劇《步步驚心》同松哥合作過 嘅吳奇隆同劉詩詩除 咗 喺微博講生日快樂,仲搵人將松哥舊作《碧海情天》 嘅 MV加插祝福句當禮物送俾壽星公,有心又有誠意。

香港演員又有咩表示呢?同松哥 喺《步》合作過 嘅視帝鄭嘉穎,就唔見有祝賀。下星期出街,喺《名媛望族》飾演松哥老婆 嘅楊怡,亦掛住自我宣傳新劇《仁心解碼 II》,似乎忘記松哥生日。認真抵打。

劉詩詩龍蝦的祝福

同鄭嘉穎拍《步步驚心》傳過緋聞 嘅劉詩詩,準時 喺微博祝松哥生日快樂,拎住隻龍蝦話同松哥一齊成日都有好 嘢食,順道多謝對方。松哥收到呢個祝福一定甜在心頭。

吳奇隆出錢出力

吳奇隆非常尊敬前輩。佢 喺微博留言祝賀之外,仲搵國內 嘅「時光」製作公司改編松哥之前 嘅劇集MV當生日禮物。出錢又出力,最乖係你啦!

鬼馬賀壽 MV

MV中不忘加插松哥抵死劇照。佢扮起女人,大粒癦都幾銷魂喎!

放大圖片

MV結尾以簡體字寫住:「獻給永遠四歲的松哥,生日快樂!」難怪松哥咁感動,不斷說:「你們太有心了!」

楊怡冇老公心

松哥生日(14日)當天,楊怡只放拍《仁心解碼 II》 嘅照片上微博,又 喺黑板寫埋劇名。淨係幫自己做宣傳, 喺《名媛望族》做松哥四姨太 嘅佢,連「老公」生日都唔記得,冇心肝 啲喎!

朱晨麗掛住拆蟹

早前拍《名媛望族》,朱晨麗不時大讚松哥係好好 嘅前輩,又經常提點佢。但松哥生日朱晨麗未見有半句祝賀,淨係放十隻大閘蟹相上微博,掛住拆蟹唔記得松哥生日。

鄭嘉穎大細超

《步步驚心》 嘅吳奇隆、劉詩詩有心肝,但同劇 嘅鄭嘉穎似乎比下去。松哥生日,鄭嘉穎出席老人家活動, 喺微博祝福活動中 嘅「老友記」,但對 63歲同屬「老友記」 嘅松哥就冇表示,松哥唔 hurt就假。

送蛋糕補祝

周一( 15日),《名媛望族》演員在宣傳活動為松哥補祝生日,雖然已經過咗正日,但相信松哥個心都甜番曬!



.[忽然1周]劉松仁 63歲牛一收鬼馬賀禮
http://hk8news-e.blogspot.com/2012/10/1-63.html