好心壞事
撐民建聯瀨嘢 胡杏兒：我唔知乜嘢政黨
2012年09月12日週日（ 9日）立法會投票日，香港錄得過五成即是 183萬選民投票，破曬開埠紀錄。大家咁踴躍，無非國民教育科假撤回激起民怨，港人誓要一人一票趕走保皇黨。
難得港人史無前例咁齊心，竟然有人唱反調，投票當日，視後胡杏兒竟公開為身為民建聯 嘅九龍西候選人兼姐夫鄭泳舜出街站台拉票，當然被網民鬧爆。無 綫一早話 咗今年視後再玩普選，得罪大班泛民支持者，杏兒預定告急啦！
全城黑衣反國教、晚晚十萬大軍佔政總，全城民憤直至 9月 9日投票日被推至最高點，大家化憤怒為力量投票趕走保皇建制派。微博、面書所有社交網絡被支持泛民趕走保皇黨 嘅呼籲洗版之際，週日（ 9日）中午趕拍緊《衝上雲霄 2》 嘅胡杏兒卻玩另類，於百忙中抽空去深水 埗落區拉票，更上載同九龍西選區候選人鄭泳舜合照至微博。
盲撐富姐夫
其實香港係自由社會，投票拉票亦係個人選擇，不過最慘政府推行國民教育，人人反對惟獨民建聯同部分保皇黨死撐。
反國教港人把對國教科嘅厭惡情緒投射至政府及保皇黨身上，有人公然撐民建聯，當然亦被厭惡埋一份。原來杏兒撐嘅鄭泳舜係大家姐丈夫，新西蘭回流港人，家底不錯，父親鄭錦鐘係保良局副主席，更創辦上市公司偉仕控股，師傅係曾鈺成，鄭泳舜 07年開始在深水埗做區議員。
無知婦孺
與姐夫合照迅速被轉發甚至轉載至面書，被網民圍剿後，杏兒知衰刪除微博。
翌日出席活動，即時為撐保皇黨行為解話：「真係冇諗過咁複雜，我份人好簡單，係諗住幫屋企人之嘛！我淨係知姐夫呢幾年 喺深水 埗區做 咗好多 嘢、幫 咗好多人，我唔知咩嘢政黨，亦唔想掀起罵戰，淨係撐屋企人咁簡單！（網民鬧話黃宗澤飛 咗你飛得好喎！）呢 啲 嘢我唔評論啦，我係公眾人物預 咗，屋企人揀 咗行呢條路都一定會撐！」你貴為視後企出嚟，成件事都已經唔簡單啦！
冇腦回應
激起民憤 嘅杏兒週一（ 10日）出席時代廣場活動時解話：「我唔知咩嘢政黨，亦唔想有罵戰，我好簡單，淨係支持屋企人。」
長毛：中國人似佢好難進步
杏兒上週五話過政府應該尊重市民反對聲音，有份反國教，但轉頭又走去支持保皇黨姐夫，於新界東高票勝出的長毛梁國雄就話：「中國人有陣時就係幫親不幫理，佢要幫姐夫都冇計，係佢選擇，不過如果個個好似佢咁，呢個社會真係好難進步。」
失戀變 V煞
同男友黃宗澤分手半年，杏兒搬屋又暴瘦，連個樣都變埋，下巴離奇拉長變尖，驚現 V煞面。當事人例牌否認：「可能我呢排瘦 咗，又要去海南島拍外景，減 咗肥 啩，我就梗係絕對冇整容啦！」杏兒近日忙拍《衝上雲霄 2》，雖然唔多走得開，但整容達人 DonDon話好易搞：「要整下巴，打透明質酸就得， 1萬蚊度就可以 last三至六個月。」
黃貫中犯法影選票
性格火爆 嘅阿 Paul黃貫中 喺選舉日鋪上一張選票相，履行公民義務投票係 啱，但係衰衝動 喺新界東票站影相其實就犯 咗法。律師黃國桐指出：「成個票站範圍一影相就係犯 咗選舉條例，張選票同個印仔又唔帶得出票站，好明顯佢係犯 咗法。佢張選票未蓋印仔，就唔算係有指引同影響選舉結果，所以淨係 喺票站影相一條罪，最多罰款 1萬港幣。」不過阿 Paul經朋友提點後，一個鐘後 嗱 嗱聲刪 咗影選票條微博。係囉，無論罰款定坐監，就 嚟做老豆都無謂啦！
.[FACE]撐民建聯瀨嘢 胡杏兒：我唔知乜嘢政黨
http://hk8news-d.blogspot.com/2012/09/face_1668.html
