2012年9月12日 星期三

[FACE]包出埠 1個月 陳冠希貪就手溝索女員工

Angela Meng <br><br>Edison同新女 Angela頭貼頭親密照, Edison自動波同步上載喺 facebook、 Instagram、微博中,反而與好友聚會飯局,就唔敢隨便畀「阿嫂」曝光!


唔熟唔食

包出埠 1個月 陳冠希貪就手溝索女員工

2012年09月12日

「溝女王」陳冠希( Edison)乜女都食,去年同 Vincy(楊永晴)用拖,失驚無神重口味改 like未成年「羊面獸」 Cammi,雜食男全城恥笑。

陳冠希早前又傳睇中湯唯同 Juno前度,但成功溝到手嘅另有其人,新歡係自己名下時裝店 JUICE的台北女店員 Angela,兩人戀情於今年 6月萌芽, Edison更假公濟私包女出埠玩足成個月。新歡由 sale妹變伴遊,算唔算升咗呢先?

陳冠希( Edison) 31歲正值壯年,經歷過淫照風波後,仍然無損花弗風流性格,繼續四處獵女,於去年 5月同 Vincy分手後, Edison女伴車輪轉,新歡更係自家台灣 JUICE店售貨妹 Angela。

放大圖片

Edison影女唔再一味喺床,而 Angela食雪糕個樣亦冇周秀娜咁大遐想,不過新女勝在夠純情,食杯雪糕都開心死。

放大圖片

拍拖初期, Edison已帶 Angela玩盡加州成個月,其間兩人更去咗洛杉磯的環球影城, Edison亦即時將兩人合照放上網。

放大圖片

Edison唔只同新女周圍去,在美國出埠期間,亦難得與眾同樂,影大合照時,新希嫂都要企最前兼最搶鏡,就知 Edison有幾重視佢。

一返工即溝

近來 Edison於 Instagram、 facebook及微博各大社交網絡中,毫不避忌上載同新女伴的甜蜜照。據知得寵新女叫 Angela Meng,知情者透露:「個女仔喺 6月嗰陣先入去台灣 JUICE度做,做咗兩、三個禮拜, Edison就叫佢一齊去美國西岸出 trip,點知冇耐就聽見佢哋一齊咗。佢哋 2個喺加州玩咗成個月,日日糖黐豆咁滯, Edison覺得難得 Angela唔介意佢以前嘅嘢,又純品唔拜金,所以 Edison今次都好認真!」

放大圖片

8月尾玩咗成個月的 Edison,終於返到台北 JUICE,出席自家品牌與 Disney合作的新書簽書會,其間有傳媒問佢是否有新戀情,他只回應說:「我在成長中」,似乎暗示新戀情。台灣《蘋果日報》圖片

放大圖片

Vincy自同 Edison分手後,維持一貫低調作風,甚少出席公開場合,上年畢業後,便回港搵工做。

放大圖片

新女 Angela原本係 JUICE台北的員工,跟 Vincy一樣頭髮長長好純情,返工冇耐,就有幸被 Edison叫去同遊美國,當時 Edison仲喺網上說:「當你去台北的 JUICE,請不要愛上我的女店員。」不過放心,被老闆私有化咗,相信想喺鋪頭見到佢都難。

放大圖片

第一次光明正大公開戀情,就係同楊超成千金楊永晴( Vincy)一齊,戀情維持 5年多,至 11年 5月分手,但 Edison至今仍戴住當年的定情 Cartier手鐲。圖片

未忘 Vincy情

據知 Edison這次對新戀情極為保護,甚至連與好友間的聚會,亦不敢帶女友現身,而最近他難得回港跟老友約飯局,為怕傳媒偷影, Angela亦好識做,冇做「跟得女友」。

其實 Edison未全力溝 Angela前,一直對前女友 Vincy未死心,知情者續說:「 Edison一直都有 send WhatsApp畀 Vincy,之前仲好關心佢㗎,可惜 Vincy一路都好冷淡,一係唔覆、一係就覆兩隻字就算,搞搞嚇 Edison都死曬心,佢先開始全力溝 Angela咋!」本週一( 10日)記者致電 Edison好友 Kevin Poon,問他見過新「阿嫂」未,他就話:「冇喎,未見過,我好耐冇去台灣間鋪,唔知佢啲嘢。如果係真,做兄弟都好開心,都想有個好女仔同佢認真發展!」難得 Edison認真,不過如果要「影相」,就小心啲囉!

即棄 Cammi:恭喜佢囉!

17歲 Cammi(謝芷蕙)原本喺九龍灣仁濟醫院羅陳楚恩中學讀中四,但因要做剝模兼成日唔返學,搞到被學校要求退學,之前曾報讀旺角一商科夜校,但最近已轉校到太子伊利沙伯中學夜校部返學,貪夜校返學時間短,方便逃學去登台。

週一( 10日),本刊致電 Cammi問及 Edison新戀情一事, Cammi一聽見 Edison拍拖就不是味兒:「唔知佢拍拖,係咪恭喜佢囉!咁快搵到伴,我都好羨慕,我都想快啲有拖拍呀!」

放大圖片

Cammi同 Edison的戀情,要靠 Cammi「唔見電話」而流出床照,先被人知同 Edison有關係,同女唔同命, Cammi唔恨得咁多啦!



.[FACE]包出埠 1個月 陳冠希貪就手溝索女員工
http://hk8news-d.blogspot.com/2012/09/face-1.html