同你吟一吟
劉嘉玲無寶不落
2012年09月27日星期一（二十四日），劉嘉玲現身海港城，為中國當代藝術家嶽敏君作品展做揭幕嘉賓，搞藝術，嘉玲是日著住條領位開到上喉嚨，連鎖骨都見唔到嘅猄皮短裙見人，罕有封胸。
無肉睇，身經百戰嘅梁師奶一樣有看家本領，出動私人珍藏，右手係旅行麻雀咁大嘅藍寶石戒指，左手粒鑽石亦肯定大過八珍隻眼珠，梁劉嘉玲啲私夥，一啲都唔輸比鄺美雲。
近幾年喺大陸從商，瓣數愈來愈多嘅嘉玲話開始收藏字畫，屋企啲古董亦多到冇位放，又心鬱鬱想學書法。做生意有數得計，藝術投資，只要有人鍾意，銀碼任噏。劉嘉玲跨界開財源，果然無寶不落。
作品試過喺倫敦蘇富比拍賣會創當代中國藝術品紀錄嘅嶽敏君，親手打造咗副獨一無二嘅麻雀送俾嘉玲，特別係入面四隻白板，係嶽大師個頭像。
.[壹週刊]劉嘉玲無寶不落
http://hk8news-d.blogspot.com/2012/09/blog-post_2480.html
