探熱針
羅仲謙最關心 18歲蔚雨芯：佢問我係咪處女！
2012年09月27日羅仲謙與楊怡在車廂上演「夾頭記」，令姊弟戀進一步斷正，並從此登上娛圈車震名單。
能讓當家花旦「俯首稱臣」，大隻謙本事不容懷疑，即使初入無 綫，已充分發揮外表斯文，內裡 open的特質。跟他合拍過《尖子攻略》的女歌手蔚雨芯，及妻模黃子菲均承認當年曾遭羅仲謙出言滋擾，當面問：「你仲係咪處女？」
慰勞宴現形
縱然羅仲謙與楊怡「兩姊弟」繼續死撐唔認拍拖，亦謂把頭伏在謙仔腿間只因為酒醉要嘔，但最後選擇嘔落買回家消夜的雲吞麵上，無論解釋抑或掩飾，這一幕「夾頭記」，成為二人出道以來最經典場面。
經此一役，據悉羅仲謙在無 綫被起了新朵叫「雲吞麵」，台前幕後更毫不忌諱當面直呼新朵，令他十分尷尬；日前劇集《巴不得媽媽…》搞慶功，他亦缺席避風頭。
據知，鑊鑊甘的羅仲謙，四年前初入無 綫，接拍劇集《尖子攻略》扮學生，其時，他不但與同劇的 Hot Cha成員 Crystal傳出緋聞，且因零知名度無包袱，曾向當時兩名未成年女演員出言滋擾，此事更傳遍同劇裡做「學生哥」的演員，有人背後更稱羅仲謙做「狼謙」！
最關心幾歲失身
據了解，兩個未成年女演員，包括今年十八歲、 JJ賈曉晨的師妹蔚雨芯（ Rainky），及二十歲剛結婚的妻模黃子菲（ Ava），兩女與羅仲謙在《尖》劇均飾演學生，但合作期間並不熟稔，直至劇集殺科搞 BBQ慰勞宴，「狼謙」才原形畢露。
「 嗰日 BBQ，謙仔猛咁撩 Rainky同 Ava傾偈。熱身一輪後，趁無其他人 喺旁邊，便直截了當問十四歲 Rainky：『你仲係咪處呀？』，又指住當時同 Rainky孖公仔、十六歲的 Ava問：『睇你應該唔係處女。』，坐埋一齊半粒鐘都冇，佢就夠膽問兩個女仔咁私人 嘅 嘢，真係好狼！兩個女仔嚇到當堂 O曬嘴！之後謙仔仲咬住唔放，問人幾多歲失身？又話若果有人出錢包你肯唔肯？兩個女仔最後頂佢唔順，坐開一邊唔敢再同佢傾偈。」知情者爆。
即使逐漸為人所識，但據知羅仲謙依然死性不改，最關心新相識的異性是否處女！去年，做港姐嘉賓，與一班候選佳麗到台灣拍外景期間，有指他也曾問幾位嗒糖佳麗，包括緋聞女友蔡慧欣、梁麗翹及胡中慧打探問：「你喺幾多歲失身？」
事後幾位佳麗提起羅仲謙，才知大家不約而同被「關心」過。
「佢同啲女仔講話反正港姐有答問題環節，不如先熱嚇身，睇嚇對方有無急才，點諗到佢會問埋 啲咁尷尬嘅問題，大會都唔會問啦！」一名幕後工作人員說。
嚇走蔚雨芯
對此，曾被羅仲謙當面問是否處女的蔚雨芯尷尬回應。
「佢係有問我呢個問題，當時俾佢搞到好尷尬， O曬嘴，唔識反應！睇佢外形咁斯文，無諗過會咁問囉！而且當時同佢一 啲都唔熟！（之後你 哋仲有無交往？）冇啦，俾佢嚇走啦，仲點敢再傾偈！（再撞番嘅話，會唔會尷尬？）早排撞見過，不過大家無打招呼！」
至於當時只得十六歲的黃子菲，同樣承認此事。
「係有 啲印象佢咁講過！不過最記得反而係佢猛問我肯唔肯俾富商包，仲話換轉係佢，佢肯制。同佢唔熟，佢問埋 啲問題好奇怪，所以當時我同 Rainky都驚 咗佢，唔願同佢傾偈。」
爆過林峯
羅仲謙近兩年曝光率大增，但有關他靠大胸跑出的新聞，鑊鑊新鮮鑊鑊甘，牽涉的不外是鍾意講大話、劈腿、打女人、與專收集「鴨照」的劉公子扯上關係等醜聞，比林峯、吳卓羲、黃宗澤三大小生更具爆炸性。
2010年 12月 劈腿王
羅仲謙與同公司的緋聞女友傅穎一同出席公開活動，女方突然與男方劃清界線，並揚言他講嘢無句真，有指羅仲謙瞞著傅穎繼續與圈外女友來往，一腳踏兩船。
2011年 9月 分手打女人
被公司安排飛北京發展的傅穎，出發前承認與羅仲謙一年半內復合又分手的戀事，踢爆對方一腳踏四船，更直言曾被動粗，引起軒然大波，最後被打的傅穎遭公司雪藏。
2012年 5月 擘大眼講大話
同性戀富商劉定成因私藏數千張警員淫照被控非禮及恐嚇，當中更牽涉多位男藝人，羅仲謙被指是其中之一。事件爆出後，羅仲謙多次公開否認，直到兩人合照流出及劉公子親爆羅仲謙尺寸，並有證據指出他曾為此事到警署協助調查，羅仲謙才改口認識劉公子，誠信破產。
.[壹週刊]羅仲謙最關心 18歲蔚雨芯：佢問我係咪處女！
http://hk8news-d.blogspot.com/2012/09/18_27.html
