揞名爆
「肥導演」同女朋友「果汁」嘅感情都算穩定，可惜佢嘅鹹濕性格冇變，有行家話佢依然keep住夜場氹氹轉，繼續滾女。
早兩日，媽咪姐同幾個行家食飯，座中仲有幾個𡃁模。傾傾吓其中一個𡃁模爆曬粗鬧「肥導演」。𡃁模話有次「肥導演」出外景，佢同幾個𡃁模都有份。晚飯時間，其中有個𡃁模飲high咗，成個人挨曬落「肥導演」度。
鹹蟲上身嘅「肥導演」求之不得啦。只見佢懶好咁扶住𡃁模，實則隻鹹豬手由𡃁模腋下穿過前面，揸住𡃁模個胸，難為隻醉雞俾人搏曬懵都唔知。其他人見到鹹蟲咁搏懵法當堂眼突，所以吼住「肥導演」去廁所，全部撤退之餘，仲夾手夾腳將件醉雞扶走。
「肥導演」咁鹹濕，「果汁」都頂得住，佢嘅忍耐力都算勁喎。 ####
插圖：Wendy
846期
