媽咪姐手帳
曾經紅極一時嘅跳舞歌手杜德偉，早年去台灣發展，裸露上身連褲都除埋大唱〈脫掉〉，可惜掂咗一排好快就冇曬聲氣。近排仲靜雞雞回流返香港。
早前媽咪姐行大坑，咁啱就見到杜德偉。當時佢入咗間平民boutique，行咗短短半粒鐘，但出嚟時一袋二袋戰利品，似乎掃咗唔少心頭好。以前佢出入名店，行街唔係去置地就係去外國掃貨，估唔到唔見幾年，成個人樸實曬。不過講開又講，呢間時裝店雖然唔係咩名牌，但件件衫都好有民族色彩。49歲嘅杜德偉身形咁fit，唔着名牌改着民族服，相信一樣咁潮。 ####
掃足半粒鐘，杜德偉拎住一袋二袋，急急腳離開時裝店。
呢間位於大坑嘅時裝店門面平實，不過裏面嘅衫全部都好有特色，唔怪得吸引到潮人杜德偉幫襯。
04年杜德偉闖台灣，憑〈脫掉〉一曲脫到大熱。當時嘅身形同今日一比，似乎都冇乜點變過。
846期
