媽咪姐手帳
呢排邢家上下好忙呀！林青霞忙拜佛，老公邢李㷧就帶大女邢嘉倩應酬。其實邢生自將一手創辦嘅「思捷環球」賣盤後，近年主力發展鄉下海南省嘅公益項目，成立咗「言愛基金」，香港嘅負責人仲由女兒嘉倩接任。上周五（7日），佢就帶住阿女出席「理文造紙」主席李運強二仔李文恩嘅婚宴，仲同葉劉傾得鬼咁開心，明顯為今年24歲嘅長女嘉倩鋪路啦！真係廿四孝爹哋。
老婆單拖拜法王
「噶瑪巴九百周年慶典」喺灣仔會展舉行，林青霞單拖到場參拜大寶法王，但由劉嘉玲送返屋企。大美人喎！點可能孤獨。 ####
老公帶女見世面
邢李㷧介紹嘉倩俾葉劉識，葉劉派片時，佢揀咗印有葉劉嘜頭嘅卡片，仲好風趣話：「拎張犀利嘅！」
近年甚少出席公開場合嘅邢李㷧，當晚除將嘉倩介紹俾「世叔伯」外，亦一改平時嚴肅態度，盡顯其風趣幽默一面。
嘉倩雙手接過葉劉張卡片時，表現得有啲戰戰兢兢，始終仲係細路女。
林青霞面口寬容，心情睇嚟唔錯。
846期
