懷孕 15周 恐胎兒唔足磅 朱麗倩秘睇養胎聖手 朱麗倩,MW,

2013年11月1日星期五

懷孕 15周　恐胎兒唔足磅　朱麗倩秘睇養胎聖手朱麗倩,MW,

今年 47歲的朱麗倩，現時已經懷孕 15周，開始見肚，因此劉華勒令她減少外出，盡量在家中安胎。《 Face》圖片

打頭陣

懷孕 15周　恐胎兒唔足磅　朱麗倩秘睇養胎聖手

劉德華恨仔恨到發燒， 8月尾他與歌迷會搞生日會時，亦講到出口「努力（造人）」，其實他再做老竇的消息已傳遍歌迷會。據知 9月尾，有位高僧更送了一道平安符賀他 52歲生日，保祐朱麗倩大小平安。

儘管劉華矢口否認，不過本刊得悉朱麗倩由未有喜到懷孕，都幫襯甚多明星客仔的中醫馬菁岐，年屆 90的馬醫師精通針灸和「指穴」。據知， 47歲高齡的朱麗倩，一心為劉華追仔，加上第一胎生女時， BB僅得 5.4磅，屬輕磅 B女，為怕第二胎唔足磅，她 keep住睇馬醫師調理身體，務求今胎生個肥 B。

本刊求證馬醫師，她承認朱麗倩曾求診，更謂：「佢都係平常人啫！」其實劉華今年於「華仔天地」官網中就親撰千字「家書」，分享做老竇的喜悅心情，更親述太太生囡囡時肚痛作動入院驚險過程，難怪他今次咁緊張啦！

其他影片

劉父笑曬

本刊上月率先披露劉華再做老竇，記者當時就此事問過劉德華父親，劉父就忍唔住分享喜悅：「係好開心！」

去年 5月，劉華初嚐做老竇滋味，老婆朱麗倩為他誕下女兒劉向蕙（ Hanna）。朱麗倩懷第一胎時，恨做老竇的劉華曾喜孜孜向友人說︰「仔女都冇所謂，不過我鍾意女多啲，女黐老竇多啲嘛！家姐照顧細佬比較好……」講到明先生女後追仔。

指按穴位受孕

女兒出生後，劉華做老竇做上癮，兩公婆亦有共識急急追多件，湊個好字。大半年前，劉華獲一位圈中朋友介紹睇馬菁岐，兩夫婦聽從馬醫師所講，定時定候用手指按額頭、手腕、心口，並替他們開出藥方。知情者話︰「朋友第一次帶同劉華夫婦上去時，馬醫師仲同佢哋講︰『冇話一定得，放鬆啲，順其自然受孕機會都會大啲。』佢哋睇咗兩個幾月，終於搞掂。依家都 keep住睇，因為朱麗倩第一胎早產， BB屬輕磅，加上朱麗倩的體質並非長胎那種，所以搵馬醫師寫安胎藥方，希望今次佗得穩啲長胎啲。」

9月 25日，圓潤的朱麗倩被周刊拍得到中建大廈搵蘇偉基做產檢。不過，一向低調的劉華非常口密，更否認說：「多謝關心，未有 BB！」朱麗倩被傳媒曝光後，開始深居簡出，據知十月中，劉華到廣州開三場「 ALways世界巡迴演唱會 2013」，朱麗倩亦有同行。不過朱麗倩為免成為傳媒追訪對象，一直躲在後台，而且身旁亦有三名保鑣貼身護駕。十月尾劉華再到北京開巡迴，此行要坐四個鐘飛機，朱麗倩為免動胎氣，選擇留在港安胎。

笑住開腔

周日（ 10月 27日），劉華到機場出發到北京宣傳新戲，其間記者上前恭喜他，他笑笑口謂：「係都要恭喜我嘅！」

開心過關

之後劉華除低黑超俾海關人員驗證身份。記者發現他當時繼續流露笑容，明顯因為朱麗倩再佗 B而心情靚爆。

保鑣陪睇中醫

今年 8月，朱麗倩就被拍得到銅鑼灣睇中醫，身旁的保鑣亦拎住一大袋中藥，可見朱為了追多一個，用盡不同辦法。《蘋果日報》圖片

緊張護肚

等車期間，朱麗倩不時用價值 3萬的 Goyard大袋護肚，非常緊張。《蘋果日報》圖片

心情靚爆回應

周日（ 27日），早上 7時許，心情靚爆的劉華到赤鱲角機場準備飛北京，本刊記者上前恭喜他再為人父，他心情靚爆說：「我講咗唔係㗎喇！ sorry……（但有傳你太太去睇馬醫師？）唔講啦！ sorry……」本刊記者趁劉華入閘前再度恭喜他，他笑笑口說：「係都要恭喜我嘅……」在旁的粉絲插嘴說：「恭喜咗就有㗎喇！」

本刊亦到訪馬菁岐醫師位於銅鑼灣的商住式醫館，記者未表明身份時，曾試探馬醫師的口風，問到朱麗倩係咪都嚟睇？她說：「小兒科啦！明星都係人一個啫！」

之後記者向她表明身份，再深入問她有關朱麗倩求診一事，她點到即止回應，十分避忌。

親撰家書

劉華早前在華仔天地，親自撰寫二千字「家書」，與 Fans分享當父親的心情及喜悅。向來書法有一手的劉華，字跡非常秀氣。

貼身護妻

11年，朱麗倩父親病逝，劉華陪太太返大馬奔喪，之後結伴返港，面對大批傳媒追訪，劉華體貼護妻，不時挺身阻隔人群。

其實劉華好錫老婆，朱麗倩未生女前，劉華已安排兩名保鑣護妻。 10年，朱同朋友行銅鑼灣時，保鑣一前一後護主，相當大陣仗。

朱麗倩的七人車常備大傘，每當她被傳媒拍攝時，司機都會用大傘遮冚。

認朱麗倩求診

拜佛求 B

劉德華夫婦篤信佛教，不時捐錢做功德， 11年，朱麗倩被拍到在筲箕灣祥德寺拜佛，同年成功懷有向蕙。

忽：聽到劉德華個老婆搵你睇？

馬：唓……咁嘅（明星）太太多啦……

忽：我哋知道朱麗倩都嚟呢度睇？

馬：佢係平常人，人一個之嘛！

忽：咁佢上過嚟睇幾多次就成功有咗？

馬：好難計得俾你聽，個個都唔同。

忽：有冇睇咗超過十次？

馬：我第日記住然後話你聽。

忽：見到好多名人明星嚟睇，係咪其他藝人介紹朱麗倩嚟睇？

馬：咁一定有人介紹。

忽：所以想生仔咪搵你囉。

馬：我唔係一定㗎，唔係包醫（生仔）㗎！

其實在「華仔天地」官網中，劉華亦曾親撰二千字「家書」向歌迷透露初為人父的心情。內容包括老婆突然作動，令他措手不及，他陪住老婆入產房，但過程驚險萬分。

做足保密工夫

生女不易，所以自愛女向蕙出生後，劉華除了工作外，九成的時間都用來照顧女兒。今年初他到英國工作時，女兒隔着電話用國語叫爸爸，劉華感動到眼泛淚光。

劉華為保護妻女免被追訪，更在加多利山屋外加置了閉路電視，並長期以每月 14萬租住私隱度甚高的太平洋酒店的酒店式住宅聽濤閣，作另一掩護居所，還有兩部七人車接載朱麗倩，保密工夫做到足。

雖然劉華保密工夫做足，但早前歌迷會為他慶祝生日時，起哄叫他快啲生仔，劉華直認：「我尋晚努力咗！」歌迷立即𠵱嘩鬼叫，劉華笑說：「講呢啲你哋就咁開心，你哋專諗埋啲邪嘢。」不過對粉絲祝佢追仔成功，他照單全收，「所有祝福收曬。」

去年有傳劉華為咗多啲時間陪妻女，佢同 Sammi夾計，迫杜琪峯趕工，最後劉華亦憑《盲探》成功勇奪西班牙影帝。

朱麗倩生女後，劉華於大馬安邦區買下 6千萬豪宅獎勵太太。

星級中醫

90歲的女中醫馬菁岐，行醫超過四十年，她年輕時曾遇上一名醫術高明的尼姑，學得一套針灸療法。之後她當過教書、督學師，更邊教書邊學醫，曾到中國國醫學院學醫，跟四大名醫朱鶴皋、丁仲英、丁濟萬和陳信齋學醫術，更在美國考獲針灸師執照及東方醫學博士學位，是香港首批註冊中醫師。

她獨創「指穴」代替針灸的獨門療法，發哥、嘉玲、王菲，甚至前美國總統列根同老布殊都找她醫病。而梁朝偉和黃栢高更是她的學生，學習「指穴」療法。

馬菁岐醫師為人風趣，聲如洪鐘。

馬醫師位於銅鑼灣的中醫館內，貼滿不少與藝人的合照。

穴位按壓與針灸助懷孕

馬醫師按穴位易懷孕，原理是因為女性下腹及手腳冰凍代表子宮寒涼、氣血不足，便難以成孕，所以用穴位按壓或針灸刺激某些穴位通氣血，令子宮運作回復正常。

據中醫師蔡宇國說運用穴位按壓法或針灸，刺激女性的三陰交（即內足踝對上約三吋）、關元穴（肚臍下約三吋）、合穀穴（人手虎口位置），可令女性氣血通暢。他說：「氣血通暢的話子宮便夠溫暖，會更容易成孕，至於用穴位按壓法或針灸，則各師各法。」

蔡醫師指用穴位按壓再配合中醫治療，功效會更大，不過成功懷孕後一般不贊成再用針灸或穴位按壓，因為擔心血行太勁會沖到胎氣，不利胎兒，所以有孕後還是用中藥安胎比較安全。

家書爆老婆待產

劉華向 Fans撰寫的「家書」超過二千字，總共有五張原稿紙。記者發現「家書」內容，大部分圍繞朱麗倩誕下囡囡劉向蕙經過，以下是部分節錄。

盼望小生命的忐忑

盼盼著，小生命的來臨，忽然？是心焦？是過敏？時間好像變慢了！一分一秒都彷彿很漫長，說是有患得患失的感覺!!

早上對著她（朱麗倩）說平安，晚上對著她肚裡的她說要健康，日復日，那天快來臨了。

心痛老婆作動

某天晚上，她在我髮邊說：「她動啊！動得有點厲害！」她顯得有點痛，其實我也痛!!胡亂的安慰後，跟醫生商量，先進院中待產會安全一點，我聽他的，進行。

不到一會，和她，還有早就準備好的用品也已經在途中了！途中說得最繁的一句話：「女兒呀！妳別急！」

血淋淋的喜悅

夢中的邊緣，微微聽到敲門的聲音，一跌一碰的急着開門，怕只怕吵醒她和她!!

門開了，護士說了，是時候了。

不到半個小時，一家人已經到了產房。

血淋淋，我看到她了，趕緊把臉靠近她說：爸爸在這兒！抱着她，靠近另一個她說：媽媽躺在那兒！

她哭了！她笑了！恭喜充斥了產房，在我咀中又除了謝謝就沒別的。

生日會爆湊女心得

記者在華仔天地官方網站發現，今年 8月劉華與歌迷慶祝生日會時，找來黎芷珊做主持，加插現場版《最佳男主角》環節。當時劉華破例大談老婆及女兒，更自爆最怕係老婆，仲話每日都要唱歌𠱁囡囡。

劉華其中一個願望係「繼續有型、靚仔」， 52歲嘅佢，於生日會上即場示範 chok樣，心情 high爆。

民間特首

劉華近日不但因為再做老竇成為傳媒焦點，就連他撐「發牌」言論，亦被唔少網友轉載，有人更推舉劉華當特首。

劉華早前拍攝短片為在政總集會的香港電視員工打氣，更促請政府解釋原因，網友自發為劉華改圖。

堪輿學家：生仔有風險

譚雲龍

堪輿學家譚雲龍指，朱麗倩一生生仔都好有風險，他說：「今年佢行癸巳年，梟神奪食，有流產、小產數，個胎容易唔穩，佢要多做善舉，仲要好好保胎，所以有咗都不宜同人講， BB有機會明年出世。過咗明年，打後就冇生育數據。

而劉德華亦一樣，要好好把握明年嘅機會，佢一生最多可以有一仔一女，佢今年有胎動之數，出年生仔機會好大。」