《法外風雲》真係好外行喎 MW,

媽咪姐

《法外風雲》真係好外行喎

由兩大視帝黎耀祥同陳豪坐鎮嘅台慶劇《法外風雲》，首周收視平均 26點，成績算係中規中矩，不過呢套劇就成為唔少人茶餘飯後嘅話題，講嘅並非討論劇情點樣緊湊，而係劇中所謂嘅法律常識，真係笑大人個口！

無綫有本事可以將黎耀祥同陳豪兩大律師對戰嘅法庭戲，處理到好似兩個師奶喺街市為咗爭條葱嗌交咁，真係令人拍爛手掌。另外，單案未判完，兩位律師可以自由進出法官伍詠薇嘅辦公室，一個念吓舊情，一個約吓食飯，親密程度猶如大家庭，認真拍出人情味！

其實拍法律界兩雄相遇，可以用最正經嘅方法講佢哋點樣圍繞劇情唇槍舌劍，盤問證人點樣咄咄逼人。當然，用輕鬆手法講法律唔係唔得，但至少法庭上嘅對白要專業地幽默，唔係專門地搞爛 gag囉！計我話依家日日上演嘅「電視風雲」仲精彩呀！

要求放飯

打官司係消磨時間嘅長途賽，但一個律師又點可以喺庭上要求放飯呀！冇曬印象分啦！

中途和解

案件已經審到大半，又豈能中途庭外和解呢！一場官司由法官正式納入為案件前先可以庭外和解。

私會法官

部分案件不設陪審團，法官自然成為唯一裁判人。單案未判，律師又點可以同法官單對單傾案情呀，要傾嘅都關上房門先啦（箭嘴示）。

互相質問

黎耀祥同陳豪係法律界宿敵，但都唔使下下互相人身攻擊同質問，審犯人定審律師呀！

面癱上庭

黎耀祥半邊面癱，演技出神入化，但咁嘅健康情況下，又點可以繼續上庭。所屬嘅律師樓都唔肯過你。

高 Ling戲份雖然唔算好多，但當日所見，佢就最戮力，一記踢腿，露出少少底底，搏呀！

《法外風雲》於 22號搞咗個宣傳，劇中兩大對頭人祥仔同陳豪扮對打，但態度輕鬆，完全交唔足戲喎！

. 《法外風雲》真係好外行喎 MW,
http://hittt.blogspot.com/2013/10/mw_25.html. 《法外風雲》真係好外行喎 MW,
http://hittt.blogspot.com/2013/10/mw_25.html. 《法外風雲》真係好外行喎 MW,
http://hittt.blogspot.com/2013/10/mw_25.html. 《法外風雲》真係好外行喎 MW,
http://hittt.blogspot.com/2013/10/mw_25.html. 《法外風雲》真係好外行喎 MW,
http://hittt.blogspot.com/2013/10/mw_25.html