連續兩劇唱主題曲 蕭正楠重操故業更珍惜

2013年3月22日星期五

連續兩劇唱主題曲蕭正楠重操故業更珍惜

連續兩劇唱主題曲蕭正楠重操故業更珍惜

蕭正楠（Edwin）最近在新劇《仁心解碼II》中，飾演法醫精神科醫生「哨牙榮」，雖然不是靚仔，但相當好艷福，竟然有「女神」苟姑娘和「豪嫂」陳茵媺鍾情。不過Edwin最開心反而是有機會為劇集唱主題曲，而接著播出的新劇《神探高倫布》主題曲亦是他包辦，歌手出身的他坦言會更珍惜這些機會。

撰文：杜淑霞　攝影：譚壹致　服裝：MR. COLLECTION

Edwin今次在《仁心解碼II》中，飾演的「哨牙榮」，雖然哨牙卻相當自戀，兼且人又口多，是個既可愛又搞笑的角色，Edwin笑言收到劇本時也覺得很好笑，而且拍攝時也發生不少趣事。

不怕宅男圍攻

對於要醜化靚仔樣，Edwin更絕不介意，「戴住個哨牙講嘢，真係幾辛苦，個角色又口多喎！成日忍唔住啲口水流出嚟，拍食嘢又食唔到，仲有咬字會唔清楚，試過講矯形個『矯』字，差啲變咗粗口，笑到大家死，但我覺得效果好好，監製話後期可以整番唔再哨，我都阻止佢，寧願繼續哨牙。」

劇中Edwin會周旋於小學同學陳茵媺和醫生苟姑娘之間，兩人之前同樣跟他傳出過緋聞，但他不擔心再有緋聞傳出，「兩單都唔係真，Aimee o依家有陳豪啦！苟姑娘係朋友啫！唔怕俾啲宅男圍攻！」談到齊人福Edwin不及提到唱主題曲興奮，「除咗呢套劇，嚟緊《神探高倫布》亦係我唱，真係好開心，多謝監製佢哋畀機會！再入錄音室，無話好感慨，但會更加識得珍惜囉！希望將來繼續有機會啦！」

Edwin最開心能夠連續為兩劇唱主題曲。

Edwin在劇中，最終選擇了陳茵媺。

Edwin提到拍攝趣事時，笑得開懷。